تربت ءَ زھرشانی کنوکاں واحد قمبر بلوچ ءَ ھوار آوار جنگ بوتگیں مردمانی سلامت واتر کنگ ءِ لوٹ کنگ بیتگ

تربت ءَ زھرشانی کنوکاں واحد قمبر بلوچ ءَ ھوار آوار جنگ بوتگیں مردمانی سلامت واتر کنگ ءِ لوٹ کنگ بیتگ
بلوچستان ءِ تربت ءِ شھر کینچ ءَ دمگی ءُ سیاسی کارکناں مزنیں زھرشانی یے کتگ ءُ مردمانی واتر کنگ ءِ لوٹ کتگ کہ آھانی تہ ءَ بلوچ آجوئی دوستیں پیشہ ور واحد کمبر بلوچ ھم ھوار اِنت کہ آھانی گْوشگ اِنت کہ آ پاکستانی رازداریں کارندہانی دست ءَ مبینہ آوار جنگ بوتگ اَنت۔

بلوچستان پوسٹ ءِ رد ءَ اے جلسہ کہ ایشی ءِ تہ ءَ جنین، چُک ءُ ورنا ھوار بوتگ اَنت، کمبر ءِ کھول ءِ نیمگ ءَ برجم دارگ بوتگ ءُ بلوچ راجدوستیں گلاں ایشی ءِ کمک کتگ۔

بلوچ آجوئی ءِ زرمبش ءِ تہا فعالیں مردمے واحد کمبر 19 جولائی ءَ چہ ایران ءِ دمگ کرمان ءَ آوار جنگ بوتگ۔ آئی ءِ کھول ءُ بلوچ راجدوستیں گلانی الزام اِنت کہ آئی ءِ آوار جنگ ءِ ذمہ وار پاکستانی رازداریں کارندہ بوتگ اَنت ءُ اے وھد ءَ آ پاکستانی لشکر ءِ دست ءَ اِنت۔

زھرشانی کنوکاں کمبر ءُ دگہ بیگواھیں مردمانی اکس دست ءَ داشتگ اَنت ءُ زوراکی ءَ بیگواہ کنگ ءِ ھلاپ ءَ نعرہ جتگ اَنت۔

دی بلوچستان پوسٹ ءَ نبشتہ کتگ کہ اے مچی ءِ سروک کمبر ءِ جنک محلب کمبر بلوچ بوتگ ءُ آئی ءَ مہلوک ءَ گوں تران کنان ءَ گشتگ کہ منی پت بلوچ سیاسی جنز ءِ بہرے بوتگ ءُ مدام بلوچ ءِ حقانی وکالت ءَ کتگ۔ پاکستان ءَ آوار جتگ ءُ ناجائزیں وڑے ءَ دارگ ءَ اِنت۔”

مہلب کمبر ءَ وتی پت ءِ زوتیں یلہ کنگ ءُ منصفانہ دادگاہ ءِ ھاتر ءَ ھم لوٹ کتگ ءُ چہ میان اُستمانی انسانی ھکانی گلاں لوٹ کتگ کہ آ وتی پت ءِ سیاسی بندیگ ءِ بستار ءَ ایمنی ءِ ھاتر ءَ مداخلت بہ کن اَنت۔

زھرشانی کنوکاں بلوچستان ءَ زوراکی ءَ بیگواہ کنگ ءِ گیشتریں جیڑھ ءِ سر ءَ وتی جیڑہ درشان کتگ اَنت ءُ دگہ بیگواھیں مردمانی کھول ھم انصاف ءِ لوٹ ءَ ھوار بوتگ اَنت۔ آہاں ریاست ءِ سرا الزام جتگ کہ آ وتی بیانیہ ءَ را گیش کنگ ءِ ھاترا آمیدگس ءُ کمیشناں کارمرز کنت ءُ انصاف ءِ رسگ ءَ ابید کارمرز کنت۔

جلسہ ءِ تہا گشتانک دیوکاں ریاستی پالیسیانی سرا ایراد گپتگ ءُ اے گپ جتگ کہ زوراکی ءُ ترس ءُ بیم ءِ کارمرز کنگ ءَ چہ دمگ ءَ ایوک ءَ بے رھبندی گیش بوتگ ءُ بازیں مردماں سلاہ بندیں مزاحمت ءِ نیمگ ءَ کش اتگ۔

جلسہ ءِ آسر ءَ واحد کمبر ءُُ زوراکی ءَ بیگواہ کنگ بوتگیں دگہ درستیں مردمانی زوتیں پٹ ءُُ پول ءِ لوٹ کنگ بوتگ۔

زھرشانی کنوکاں شفافیت ءُ احتساب ءِ لوٹ کتگ ءُ ریاست ءَ چہ لوٹ کتگ کہ بلوچ سیاسی ءُ چاگردی جھدکارانی سر ءَ سرکوبی ھلاس بہ کنت۔