کوئٹہ: بلوچستان ءِ سرکاری کارندہ ءَ گشتگ کہ ناشناسیں سلاہ بندیں مردماں سئے شمبے ءِ روچ ءَ بلوچستان ءِ جنوب مغربی صوبہ ءِ کشت ءُ کشاری میدان ءَ چہ پنچ کارمند آوار جتگ کہ آ پاکستان ءِ صوبہ پنجاب ءَ چہ اتکگ انت۔

بلوچستان کہ پاکستان ءِ مستریں بلے کمتریں دیمروئی کتگیں استان اِنت کہ ایران ءُ اوگانستان ءِ سیمسر اِنت، دیریں جدائی طلبیں شورش ءِ جاہ بوتگ ءُ درملکی راج ءِ آوار جنگ ءُ اُرشانی نشانگ جوڑ کنگ بوتگ، بنیاتی ڈھانچہ ءِ منصوبہ، سیکورٹی فورسز، پولیس ءُ غیر بومی پاکستانی۔

ڈرائیور ءُ آہانی کمکارانی آوار جنگ ءِ نوکیں وئیل پاکستان ءُ اوگانستان ءِ سیمسر ءِ نزیک ءَ بلوچستان ءِ ضلع کیلا عبداللہ ءِ دوریں دمگ ماسزئی ءَ بوتگ کہ آ دو ٹرک ءِ ہمراہی ءَ تربوز ءِ کھیپ ءِ بار کنگ ءِ ھاترا زرعی جاہ ءَ سر بوتگ انت۔

بلوچستان ءِ سرکاری کارندہے ءَ کہ آئی ءَ وتی نام ءِ شنگ کنگ نہ لوٹ اِتگ، عرب نیوز ءَ گوں تران کنان ءَ گْوشتگ: ”موٹر سائیکل ءِ سر ءَ سواریں ناشناسیں سلاہ بندیں مردمانی یک گلے ءَ آیاں چہ بار کنگ ءَ رکینتگ ءُ گوں وتی ٹرکاں آوار جتگ۔

آئی ءَ گْوشتگ: ڈرائیورانی پجار محمد عدنان، محمد شہزاد، محمد آزان، انعام رضا ءُ باقر حسین بوتگ اَنت کہ آ درست پنجاب ءِ صوبہ ءِ نندوک بوتگ اَنت۔

“آوار جنگ بوتگیں ڈرائیورانی جاہ ءُ نشان انگت ءَ زانگ نہ بیت بلے پولیس ءَ آوار جنگ بوتگیں مردمانی امن ءُ ایمنی ءِ ھاتر ءَ دمگ ءِ پٹ ءُ پول کتگ۔”

اے وئیل پاکستانی سیکورٹی فورسز ءِ ضلع کیلا عبداللہ ءُ پشین ءَ جنگولانی ھلاپ ءَ یکجائی آپریشن ءِ بندات ءَ چہ یک روچے ءَ پد بوتگ کہ ایشی ءِ تہ ءَ شش جنگول بیران ءُ پنچ دزگیر کنگ بوتگ اَنت۔

ڈرائیورانی آوار جنگ ءِ ذمہ واری ہچ گل ءَ نہ زرتگ بلے نسلی بلوچ جدائی طلبیں گلاں باز براں غیر بومی مسافر ءُ مزدور نشانگ جوڑ کتگ کہ آہانی سرا ریاست ءِ جاسوسی ءِ الزام ءَ جن انت۔

گوستگیں ماہ ءَ بلوچستان ءِ پشین ضلع ءَ ناشناسیں جنگولاں سڑک ءِ جوڑ کنگ ءِ جاہ ءِ سر ءَ اُرش کتگ ءُ پنچ مزدور بیران بوتگ اَنت کہ آ پنجاب ءِ مردم بوتگ اَنت۔ جولائی ءَ ھمے وڑیں اُرشے ءَ پولیس ءَ بلوچستان ءِ ضلع کیچ ءَ شش مزدور ءِ تیر ءِ آماچیں لاش دست کپتگ کہ آ چہ پنجاب ءُ خیبر پختونخوا ءَ اتکگ اَنت۔