دی بلوچستان پوسٹ ءِ رپورٹ ءِ رد ءَ بلوچستان ءَ چہ دو کیس یکے مبینہ زوراکی ءَ بیگواہ کنگ ءُ دومی یک سال ءَ گیش بیگواہیں مردے ءِ پدا آرگ ءِ سبب ءَ اے استان ءَ بیگواہ کنگ ءِ جیڑہ نوکیں رنگے ءَ دیم ءَ اتکگ انت۔
رپورٹ ءِ رد ءَ خان محمد ءِ چُک ءُ مستونگ ءِ ضلع ءِ اسپلینجی ءِ نندوکیں شیر باز بنگلزئی 18 جولائی 2025 ءَ چہ مستونگ ءِ دشت ءِ دمگ ترہ میل ءَ برگ بوتگ۔ رپورٹ ءِ رد ءَ آئی ءَ بس ءِ کنڈکٹر ءِ بستار ءَ کار کتگ۔
آئی ءِ لوگ بانک ءَ الزام جتگ کہ اے کار ءَ فرنٹیئر کور ءُ انسداد ناشرکاری ءِ محکمہ ءِ کارندہ ھوار بوتگ اَنت۔ اے الزام ءِ سرکاری تصدیق یا پسو شنگ نہ بوتگ ءُ آئی ءِ جاہ ءُ نشان انگت ءَ زانگ نہ بوتگ۔
یک جتاہیں کیسے ءِ تہا محمد آصف بلوچ ءِ چک ءُ کوئٹہ ایرپورٹ روڈ ءِ نزیک ءَ کلی الماس ءِ نندوک شعیب بلوچ ءِ گشگ انت کہ سالے ءَ چہ گیش وھد ءَ پد وتی کھول ءِ گور ءَ واتر بوتگ۔ آئی ءِ سیاد ءُ وارساں گْوشتگ کہ آ 4 اگست 2025 ءَ بیگواہ کنگ بیتگ ءُ رپورٹ ءِ رد ءَ 25 ستمبر 2026 ءَ کوئٹہ ءِ دمگ جبل نور ءَ چہ برآمد کنگ بوتگ۔
واجبیں عمل ئے سرا جیڑہ
بیگواھیں مردمانی کھول، ھکانی گل ءُ بلوچ سیاسی گلاں باز رند ءَ سرکاری ادارہانی سر ءَ بے رھبندیں کارروائی ءَ مردماں دزگیر کنگ ءُ بے ھال کنگ ءِ بھتام جتگ۔
پاکستانی واکداراں جتا جتائیں کیسانی تہ ءَ زوراکی ءَ بیگواہ کنگ ءِ تہ ءَ منظمیں دست مان کنگ ءِ الزام رد کتگ اَنت۔ رپورٹ ءِ تہا گشگ بوتگ کہ آہاں اے گپ ءِ منوگری کتگ کہ بلوچستان ءَ سیکورٹی آپریشن قانون ءِ تہا کنگ بنت۔
حقانی جہدکار ءُ بیگواھیں مردمانی سیاد ءُ وارثاں ھم اے گپ جتگ کہ بازیں بیگواھیں مردمانی بیگواھی ءَ چہ زوت سرکاری رنگ ءَ ھال دیگ نہ بیت۔ آ انتقام ءِ ترس، سیکورٹی ءِ جیڑہ ءُ چاگردی زور ءِ سبب ءَ دیر کنگ ءِ سبب ءَ پیش کن اَنت کہ آہانی گشگ اِنت کہ اے جیڑہ ءِ پیمانہ ءَ کم رپورٹ کنگ بوت کنت۔
