نوشکی، کلات: پاکستانی لشکر ءِ سرا اُرش؛ جانی تاوان ءِ ھال داتگ۔
تفصیلات ءِ رد ءَ بلوچستان ءِ شہر قلات ءِ دمگ مرجان ءَ پاکستانی پیادگیں گشت ءِ سرا سلاہ بندیں مردماں گوں دستی تراکناکیں سامان ءَ نشانگ جوڑ کتگ۔
حالانی ردا اے ارش ءَ دو پاکستانی فوجی بیران ءُ بازیں ٹپیگ بوتگ انت۔
ضلع کلات ءَ دگہ یک وئیلے ءَ سلاہ بندیں مردماں پاکستانی لشکر نشانگ کتگ کہ آ منگچار چوٹانک ءَ آپریشن کنگ ءِ ھاترا دمگ ءَ دیم ءَ روگ ءَ اتنت۔
ایشی ءَ ابید بلوچستان ءِ دمگ نوشکی ءَ ھزدا کھول ءَ پاکستانی لشکر ءِ کیمپ ءِ سر ءَ سلاہ بندیں مردماں مزنیں اُرشے کتگ۔ تیرگواری ءُ تراک ءِ توار بازیں کلاکاں چہ گوشدارگ بوتگ ات۔
نوشکی ءُ منگچار ءَ بوتگیں اُرشانی بابت ءَ دگہ ھچ وڑیں ھال شنگ کنگ نہ بیتگ۔
زانگ بہ بیت کہ اے دمگاں بلوچ ءِ آجوئی ءِ منوگریں سلاہ بندیں گل سرگرم اَنت ءُ باقاعدہ پاکستانی لشکر ءَ نشانگ کن اَنت۔ بلے انگت ءَ ھچ گل ءَ مرچیگیں اُرشانی ذمہ واری نہ زرتگ۔
دشت ءَ پاکستانی لشکر ءِ سر ءَ اُرش؛ سوراب ءَ مزنیں ٹکر ءُ ٹکر بوتگ اَنت؛ نصیرآباد شهرستان ءَ برق ءِ پائلون تباہ کنگ ۔
بلوچستان ءِ بازیں دمگاں پاکستانی لشکر مزنیں اُرش ءِ آماچ بوتگ اَنت۔ انفجار ءُ تیرگواری ءَ یک کاروان لشکری ءِ نشانگ جوڑ کتگ کہ کیچ شھر ءِ دمگ دشت ءَ بوتگ۔ سوراب ءَ فورسز ءُ بلوچ جنگول (*سرمچار*) ءِ میان ءَ تْرانیں جنگ ءُ چوپ برجاہ اَنت۔ ءُ نصیر آباد ءَ بجلی ءِ پائلن تراک کنگ بوتگ انت۔
کیچ ضلع ءِ دشت ءِ دمگ چیری کنچاتی ءَ گوستگیں شپ ءَ پاکستانی لشکر ءِ کاروان ءِ سر ءَ سکیں اُرش کنگ بوتگ۔ بنداتی ھالانی رد ءَ یک کاروانے ءِ نزیک ءَ زوراکیں بمب تراک بوتگ کہ ایشی ءَ پد نفیسیں سلاہ بندیں مردماں مزنیں تیرگواری کتگ۔
اے اُرش ءِ آسر ءَ سئے فوجی گاڑی تاوان بوتگ ءُ سیکورٹی فورسز ءِ تہ ءَ جانی تاوان بوتگ۔
دومی نیمگ ءَ ضلع سوراب ءِ گودار ءِ دمگ ءَ چہ مرچی بیگاہ ءَ پاکستانی لشکر ءُ بلوچ جنگولانی نیام ءَ ٹکر ءُ ٹکر برجاہ انت۔
رپورٹانی رد ءَ دوئیں نیمگاں مزنیں سلاہ کارمرز کنگ بوھگ ءَ اَنت ءُ سلاہ بندیں جنگ ءُ چوپانی تہ ءَ لشکری کارندہانی بیرانی یا ٹپیگ بوھگ ءِ کیس ھم ھست اَنت۔
ایشانی ھوار ءَ نصیر آباد ءِ دمگ ءِ مرکز ڈیرہ مراد جمالی ءَ اوچ پاور پلانٹ ءَ چہ بجلی ءِ رسگ ءِ دو پاور ٹرانسمیشن ٹاور ءِ سرا تراک کنگ بوتگ کہ ایشی ءَ چہ بجلی ءِ ٹرانسمیشن ءُُ ڈسٹری بیوشن ءِ بنیاتی ڈھانچہ ءَ را مزنیں تاوان رستگ۔
