بریکنگ نیوز
اولی رپورٹ ءِ رد ءَ زاهدان ءِ چشمہ زیارت ءَ زاهدان ءِ کش ءُ گور ءِ ماین ءِ تراک ءَ پد پولیس ءِ صوبائی معاون اجتماعی امور ءِ بیرانی ءِ نشانی انت۔
رسانکدر بلوچ ءِ ردا مرچی—جمعہ ءِ روچ ءَ شهرستان زاهدان ءِ دمگ چشمہ زیارت ءَ یک گاڑی یے کہ پولیس ءِ فورسز ءِ سرا ات، آماچیں ماین ءِ تراک ءَ نشانگ جوڑ کنگ بوتگ۔ اے وئیل ءِ پد ءَ دمگ ءَ لشکری ءُ سیکورٹی فورسز دیم دیگ بوتگ اَنت ءُ دمگ ءَ تیرگواری ءِ ھال دیم ءَ اتکگ۔
ھال واش ءِ دست کپتگیں ھالانی رد ءَ تراک ءَ پد پولیس ءِ فورسز ھما جاہ ءَ روان دیگ بوتگ اَنت؛ البت اے گپ انگت ءَ پدر نہ اِنت کہ تیرگواری کئے ءَ کتگ یا مول ءُ مراد چی بوتگ۔ وھدے کہ اے وھد ءَ اے دمگ ءَ سلاہ بندیں درگیری ءِ ھچ وڑیں ھال نیست بلے اے دمگ ءَ مزنیں امنیت ءِ چیر ءَ اِنت ءُ لشکری ءُ پولیس ءِ گاڑیانی ھست بوھگ ءِ ھال گندگ ءَ کیت۔ رپورٹانی رد ءَ اے دمگ ءِ سر ءَ لشکری بالی گرابے بال کنگ ءَ بوتگ۔
اے درگت ءَ سرکاری رسانکدر ءَ اولی رند ءَ پولیس ءِ صوبائی گاڑی ءِ نشانگ جوڑ کنگ ءِ راہ ءِ کش ءَ بمب تراک ءِ ھال داتگ؛ ماں پیگیری گزارش ءَ چہ دمگی منابع ءِ رد ءَ اے وئیل ءِ تہ ءَ پولیس ءِ صوبائی نائب ءِ بیرانی ءِ جار جتگ۔
البت رپورٹ ءِ بابت ءَ صوبائی پولیس ءِ نائب پہ چاگردی کارانی بیرانی ءِ بابت ءَ -ءُ ھمے رنگ ءَ مردمانی پجار ءُ دقیقیں جاہ ءِ بابت ءَ ھال ءُ اھوال -انگت ءَ بلوچ رسانکدر ءِ ھال رسانکی ادارہ ءَ وت ماں وت ءَ پٹ ءُ پول نہ کتگ۔