نِبیسۆک: سنت کمار شرما

تاریخ: ستمبر 2026

بنزه: جارچین (بین الاقوامی چاپ / جھان ءِ ھال)

اقوام متحدہ ءِ انسانی حقانی کارندہاں پاکستان ءِ بلوچستان ءِ دمگ ءَ سیکورٹی فورسز ءِ نیمگ ءَ زوراکی ءَ بیگواہ کنگ، ٹارچر ءُُ غیر عدالت ءِ رد ءَ کشگ ءِ گپ ءِ سر ءَ سکیں دلپروشی ءِ درشانی کتگ۔ آیاں بلوچ نودربر عمران علی ءِ کوش ءِ سر ءَ ھاسیں رنگے ءَ چمشانک داتگ ءُ پاکستان ءَ چہ لوٹ کتگ کہ آ آئی ءِ دزگیری ءُ بیرانی ءِ جاور ھالانی سر ءَ ترند ءُ آزات ءُ بے رھبندیں پٹ ءُ پول بہ کنت۔

اے بیان اقوام متحدہ ءِ زوراکی یا غیر ارادی بیگواہی ءِ کارگس ءِ باسکاں شنگ کتگ-ایشانی تہا گبریلا سیٹرونی (چیئرمین-رپورٹر)، گراجینا بارانوسکا (نائب چیئرمین)، آوا بالدے، انا لورینا دلگاڈیلو پیریز، ءُ محمد العبیدی ءَ نبشتہ کتگ۔ اے بیان ءِ توثیق مورس ٹڈبال بینز (اقوام متحدہ ءِ ھاسیں رپورٹر ءِ سرا غیر عدالت، خلاصہ یا من مانی اعدام)، نکولس لیورات (اقلیت ءِ جیڑہانی سرا ھاسیں رپورٹر)، ءُ بن ساؤل (خاص گزارشکار ءِ دیمروئی ءُ حفاظت ءِ حقوق انسانی ءُ بنیادی آزادیانی سرا دیم پہ دیم بوھگ ءِ وھد ءَجی ناشرکاری)۔

اقوام متحدہ ءِ ماہرین ءِ رد ءَ عمران علی ءَ را گوستگیں سال ءِ 27اگست ءَ پاکستان ءِ انسداد ناشرکاری ءِ محکمہ ءِ کارندہ آں دزگیر کتگ ءُُ ناشناسیں جاہ ءَ برتگ۔ آئی ءِ لوگ بانک ءَ نزیک ءَ یک سالے ءَ آئی ءِ جاہ ءُُ نشان ءِ بابت ءَ سرکاری ھال ءُُ اھوال نہ رستگ اگاں چہ ھما مردماں کہ پیسر ءَ آئی ءِ ھمراھی ءَ بندیگ بوتگ اَنت آیاں پد ءَ اے گپ ءِ پدرائی کتگ کہ آ زندان ءَ بند کنگ ءُُ ٹارچر کنگ بوتگ۔

کارشناساں میان استمانی قانود ءِ رہبندانی رد ءَ گشتگ کہ ھرچ وڑیں آجوئی ءِ زبھری ءِ پد ءَ واکدارانی نیمگ ءَ چہ بندیگ کنگ ءِ منگ یا مردم ءِ سرنوشت یا جاہ ءِ شنگ کنگ ءَ چہ انکار کنگ ءِ رد ءَ زوراکیں بیگواھی ءِ دروشم ءَ انت ءُُ اے مردم ءَ را قانون ءِ حفاظت ءَ چہ در کنت۔

رپورٹ ءِ رد ءَ اے سال ءِ 6 اگست ءَ پاکستان ءِ زبردستی بیگواہیانی انکوائری کمیشن ءِ دیم ءَ گوشدارگ ءِ وھد ءَ ھاندان ءَ علی ءِ بیرانی ءِ ھال رستگ ات کہ پولیس ءِ کارندہ ءَ کمیشن ءَ را ھال داتگ ات کہ علی مئی 2026 ءَ یک انکاؤنٹر ءِ تہ ءَ بیران بوتگ ات۔ باقیات ءِ حفاظت ءِ نااہلی۔ اے پدر کنگ ءَ پد علی ءِ کھول ءَ کوئٹہ ءِ سول ہسپتال ءَ تر ءُ تاب کتگ ءُ ریکارڈ ءَ ایریں عکسانی وسیلگ ءَ آئی ءِ لاش ءِ پجار کتگ۔

اقوام متحدہ ءِ بیان ءَ اے گپ ءِ سر ءَ زور پر دیگ بوتگ کہ علی ءِ لاش ءِ ھال ءِ رد ءَ شش دگہ ناشناسیں لاشانی ھمراھی ءَ کوئٹہ ءِ نادراھجاہ ءَ آرگ بوتگ۔ چہ اے ششیں لاشاں ھچ یکے چہ نادراھجاہ ءِ کارندہ یا پولیس ءَ چہ پیسر کہ آ دفن کنگ بوتگ اَنت ءُ آھانی ھاندان ءَ را ھچ وڑیں شناسائی ءُ ھال ءُ اھوال ءِ ھست نہ اِنت، دستاویز یا ھال داتگ نہ بوتگ۔

کارشناساں اے جیڑہ ءِ درشانی کتگ کہ دمگ ءِ گیشتریں تناظر ءِ رد ءَ اے ناشناسیں لاش زوراکی ءَ بیگواہ کنگ ءِ دگہ قربانیانی بوت کن اَنت۔ آیاں پاکستانی واکداراں چہ لوٹ کتگ کہ آ سرجمیں پٹ ءُ پول ءَ بہ کن اَنت- ایشانی تہ ءَ آزاتیں قانونی چکاس، جوانیں پجار ءُ لاشانی باوقاریں رنگے ءَ ھانداناں واتر کنگ ھوار اِنت۔

کارشناساں ھشدار داتگ کہ علی ءِ کیس ءِ تہ ءَ بلوچ مردمانی مبینہ ناجائزیں بندیگ کنگ، ٹارچر، زوراکی ءَ بیگواہ کنگ ءُ چہ عدالت ءَ دریں کُشگ ءِ گیشتریں دروشم گندگ بیت کہ اے دمگ ءِ تہ ءَ شدیدیں فوجی ءُ سیکورٹی کارروائیانی تہ ءَ بوتگ۔ اقوام متحدہ ءِ ماہرین ءَ اے گپ ءِ سرا چمشانک داتگ کہ آ اے انسانی حقانی جیڈھ آنی بابت ءَ پاکستان ءِ حکومت ءَ گوں رابطہ ءَ اَنت۔