تصویری ءِ پد ءَ سڑک ءِ کش ءَ ماین ءِ تراک ءِ پد ءَ زاهدان ءِ چشمہ زیارت ءِ سر ءَ سرگردان ءِ لشکری ءِ ویڈیو پیشدارگ بیت
بلوچ رسانکدر ءِ رد ءَ یک ویڈیو یے بائی ہال وش ءِ ٹیلی گرام ءَ سر بوتگ کہ آئی ءِ تہ ءَ زاهدان ءِ دمگ چشمہ زیارت ءِ سر ءَ یک لشکری بالی گرابے ءِ بال کنگ گندگ بیت- ھمے دمگ کہ یک کلاکے پیسر یک گاڑی یے کہ آئی ءِ تہ ءَ قانون نافذ کنوکیں کارندہ سوار اَنت، سڑک ءِ کش ءَ ماین ءِ تراک ءَ نشانگ جوڑ کنگ بوتگ۔
ویڈیو ءَ گندگ بیت کہ فوجی ھیلی کاپٹر دمگ ءِ سر ءَ چکر جنت۔ اے اکس ھما وھد ءَ دیم ءَ اتکگ اَنت کہ تراک ءِ پد ءَ لشکری ءُ سیکورٹی فورسز ھما جاہ ءَ دیم دیگ بوتگ اَنت ءُ جاہ ءَ تیرگواری ءِ ھال شنگ بوتگ۔
بلوچ رسانکدر ءَ رستگیں ھالانی رد ءَ چشمہ زیارت ءِ ایمنی ءِ جاور ھال انگت ءَ ھراب اَنت ءُ چہ دمگ ءَ لشکری ءُ کانود ءِ کارندہ ءُ گاڑیانی رھادگ بوھگ ءِ ھال شنگ اِنت۔
اے درگت ءَ سرکاری رسانکدر ءَ اولی رند ءَ سڑک ءِ کش ءَ بمب تراک ءِ ھال داتگ کہ ایشی ءِ تہ ءَ استانی قانون ءِ نفاذ ءِ گاڑی ءِ نشانگ جوڑ کنگ بوتگ ءُ پد ءَ -مقامی وسیلگ ءِ رد ءَ – اے وئیل ءِ تہ ءَ استانی پولیس ءِ معاون سروک ءِ بیرانی ءِ جار جتگ۔ بلے اے مردم ءِ راستیں پجار ءُ رپورٹ ءِ ھال ءُ اھوال انگت ءَ بلوچ رسانکدر ءَ وت ماں وت ءَ پٹ ءُ پول نہ کتگ اَنت۔
