تصویر شہ زاهدان بلوچستان تیر گواری مولوی “یوسف گورگیج” ھلاکت

تصویر شہ زاهدان بلوچستان تیر گواری مولوی “یوسف گورگیج” ھلاکت

رسانکدر بلوچ ءِ رد ءَ مرچی -سئے شمبے 15 ستمبر 2026 ءَ -آئی آر جی سی ءَ گوں سیادی داروکیں رسانکدراں یک ویڈیو یے شنگ کتگ کہ آئی ءِ تہ ءَ ھما ساھت گندگ بیت کہ مولوی “یوسف گورگیج” کہ زاهدان ءِ مسیت محمد رسول اللہ ءِ نماز ءِ کشگ بوتگ؛ سی سی ٹی وی ءِ فوٹیج ءَ ھما وھد گندگ بیت کہ بندوق برداراں آئی ءِ سر ءَ تیرگواری کتگ۔

ویڈیو ءِ تہ ءَ پژو پارس ءِ اسپیتیں گاڑی ءِ سلاہ بندیں مردم مولوی یوسف گورگیج ءِ نزیک ءَ اوشتاتگ اَنت ءُ آئی ءِ سر ءَ تیرگواری کنگ ءَ اَنت۔ مجرم ءِ پجار ءُ انگیزہ ءِ بابت ءَ دگہ ھچ وڑیں ھال ءُ اھوال تاں انوگ ءَ شنگ نہ بوتگ۔

مولوی یوسف گورگیج سیستان و بلوچستان ءِ جمہوریہ اسلامی ءِ نزیکیں مردمے بوتگ ءُ حکومتانی پالیسیانی منوگر بوتگ؛ حالی سالاں آ باز براں ریاستی مراگش ءُ مراگشاں دیم ءَ اتکگ ات۔

بلوچ رسانکدر ءَ رستگیں ویڈیوانی رد ءَ آئی ءَ سرکاری جتا جتائیں مراگشاں بھر زرتگ ات -بشمول گوستگیں سالانی 11 فروری (22 بہمان) ءِ جلسہ – کہ اودا آئی ءَ علی خامنہ ای ءِ ستا ءِ نعرہ جتگ ات۔

آئی ءِ گڈی انٹرویو کہ ار جی سی ءَ گوں سیادی داروکیں رسانکدر ءَ شنگ بوتگ ات، سراوان ءِ ضلع بخشان ءَ بوتگیں درگیری ءَ بیران بوتگیں فوجی کارندہانی جنازہ ءِ مراگش ءِ وھد ءَ بوتگ۔

https://www.youtube.com/watch?v=PXGNB8ACj9A