مراگشی انکاؤنٹر ءَ زوراکی ءَ بیگواہ کنگ ءِ آماچ عبدالمالک بلوچ بیران بوت

مراگشی انکاؤنٹر ءَ زوراکی ءَ بیگواہ کنگ ءِ آماچ عبدالمالک بلوچ بیران بوت

واکداراں دعویٰ کتگ کہ ضلع خزدار ءِ دمگ زهری ءَ گوں فورسز ءَ دیم پہ دیم بوھگ ءَ چار مردم بیران بوتگ انت۔ بلے یکے ءِ پجار عبدالمالک بلوچ ءِ نام ءَ بوتگ کہ محمد یوسف ءِ چک انت ءُ کلات ءِ کوہنگ ءِ نندوک انت۔ ملک 11 اکتوبر 2024 ءَ پاکستانی لشکر ءَ چہ تربت ءَ زوراکی ءَ بیگواہ کتگ۔ آئی ءِ کھول ءَ پہ زور بیگواھیں بلوچ ءَ ھمک دھرنا ءُ جلسہ ءِ وھد ءَ انساپ ءِ لوٹ کنگ ءُ توار چست کنگ بیتگ۔ آ کلات ءَ مارچ ءِ دھرنا ءَ ھم ھوار بوتگ اَنت کہ اودا ضلعی انتظامیہ ءَ آھاں دگہ مردمانی ھوار ءَ دلجمی داتگ کہ آ 15 روچ ءِ تہ ءَ بیگواھیں مردم آناں پدر کن اَنت۔ البت آئی ءِ تیر ءِ ٹپّی ئیں لاش اتک ءُ گوں سیکورٹی فورسز ءِ دیم پہ دیم بوھگ ءَ ریاست ءِ نیمگ ءَ یک ناشرکارے ءِ برانڈ ءِ ھمراھی ءَ اتک۔

نوآبادیاتی ریاست وتی سرجمیں وس ءُ واک ءَ کارمرز کنان ءَ بلوچ ءِ سرکپگ ءَ اِنت۔ بے رحمیں کشتار، آوار جنگ، ٹارچر، راجی رہشونانی دزگیری ءُ آشوب ءِ شنگ کنگ ءَ چہ۔ اے زمین ءِ بومی سرجمیں راجے ءَ را تروریزم کنگ ءَ اِنت کہ آئی ءِ کنٹرول ءُ استحصال ءَ دراج بہ کنت۔ ما چہ بلوچ راج ءَ دزبندی کن ایں کہ یک مُشت ءُ تپاکی ءَ بہ اوشت ایت ءُ اے فاشسٹ ریاست ءِ دیم ءَ اوشتات بہ کنت۔ ہر توار ہما ​​وہد ءَ المی انت کہ ریاست مارا بے توار کنگ ءِ جہد ءَ انت۔ مارا پہ عبدالمالک ءَ گپ کنگی اِنت کہ ھزاراں دوست بوتگ بلوچ ءِ نام ءَ شھید کنگ بوتگ۔

#بلوچ نسل کُشی بند کن اِت