اسلام آباد ءَ بلوچ زالبولانی نیمگ ءَ بیگواھیں مردمانی شوھازگ ءِ ھاترا پرامنیں دھرنا بوت کنت گڈی زھرشانی بوتگ کہ ایشی ءَ پد لھتے زالبولاں ارس ریچگ ءِ بدل ءَ سرکاری سرکوب ءِ ھلاپ ءَ سلاہ چست کنگ ءِ راہ گچین کتگ۔
وھدے کہ سرکار وتی راج ءَ را انصاف دیگ ءِ بدل ءَ آھانی بنیاتی ءُ قانونی ھکاں منگ ءَ چہ انکار کنت گڑا چاگرد ءَ سرکشی ودی بیت۔ ھمے ناانصافی اِنت کہ مردماں سلاہ چست کنگ ءَ مجبور کنت۔
ھما چاگرداں کہ انصاف ھلاس بوتگ، اودا سلاہ بندیں مزاحمت گڈی راہ جوڑ بیت۔ اے گپ کہ مزنیں کچے ءَ بلوچ زالبول گوں سلاھبندیں جنز ءَ ھوار بوھگ ءَ انت سک دلپدردی ءِ گپ اِنت ءُ پہ کجام ھم سرکار ءَ سک بیمناکیں جاورے ودی کنت۔
https://x.com/RodiumInsights/status/2113738542937788635/video/2
بلوچ جدائی لوٹوکاں گوادر ءَ پاکستان ءِ لشکری بنجل ءِ سر ءَ مزنیں اُرش کُتگ ۔ بلوچستان لبریشن فرنٹ ءَ 22 اکتوبر ءَ آپریشن الماس بندات کتگ ءُ چہ ایشی ءَ پیسر کہ سلاہ بندیں مرد ءُ زالبولاں فوجی کیمپ ءِ سر ءَ اُرش کنگ ءَ پیسر تراکناکیں چیزاں گوں پُریں گاڑی ءَ اُرش بندات کتگ۔ بی ایل ایف ءِ دعویٰ انت کہ آئی ءَ دہ ہزار پاکستانی سپاھیگ ءُ انٹیلی جنس کارندہ کُشتگ انت بلے اسلام آباد ءِ گشگ انت کہ آ کساس پروپیگنڈا انت۔
پاکستانی سیکورٹی فورسز ءَ گڈسرا درستیں ارش کنوک کش ات انت ءُ ارش ھلاس بوت۔ دوئیں نیمگاں تاوان ءِ کساس ءِ بابت ءَ سک جتا جتائیں کسہ گش انت۔
