ایران ءِ سرکاری رسانکدر ءَ بلوچستان ءِ استان ءَ وتی گاڑی ءِ سر ءَ سلاہ بندیں کمین ءِ پد ءَ گارڈ اسلامی ءِ دو باسک ءِ بیرانی ءِ ھال داتگ۔
ادارہ سرکاری حالجاہ ءِ ردا ارش زاهدان ءِ دمگ کورین ءَ بوتگ۔ اے دوئیں بیران بوتگیں کارندہ سیستان ءُ بلوچستان ءَ ایر جی سی ءِ زمینی فورسز ءِ آپریشنل یونٹ ”شاہد میر حسینی“ ءِ بنجاہ ءِ مردم بوتگ اَنت۔
سیستان ءُ بلوچستان ءِ گورنری ءِ سیکورٹی ءُ قانون ءِ نفاذ ءِ معاون ءَ اے وئیل ءِ تصدیق کتگ ءُ گشتگ کہ IRGC ءِ دوئیں باسک “باسیج ءِ لشکر ءِ رسد ءِ سامان ءُ وردن ءِ ٹرانسپورٹ کنوکیں گاڑی ءِ سرا اُرش ءِ وھد ءَ بیران بوتگ اَنت۔”
ملکی رسانکدر ءِ رپورٹانی رد ءَ اے وئیل گوں رژیم ءِ ھلاپیں اپوزیشن گل ءَ سلاہ بندیں ٹکر ءِ وھد ءَ بوتگ۔ شنگ بوتگیں رپورٹاں کمین ءِ آپریشنل ھاسیں ھال ءُ اھوال ، بیران بوتگیں کارندہانی پجار ءُ ارش ءِ ذمہ واریں ھاسیں گل ءِ بابت ءَ گیشتریں ھال ءُ اھوال داتگ نہ بوتگ اَنت۔
