ایگزیکٹو خلاصہ: بلوچستان ءِ تہ ءَ پاکستانی سیکورٹی فورسز ءِ سر ءَ سرمچارانی گیش ءُ گیواریں ءُ مہلکیں اُرشاں اے استان ءِ تہ ءَ پاکستانی لشکر ءِ سکیں آسراتی ءِ پدر کنگ ءَ اِنت۔ دمگ ءِ مزنیں کساس، دمگی کمک ءِ نہ بوھگ، ھما وڑیں لشکر ءِ ارتکاب کنگ ءِ ناتوان ءُ ایران ءُ اوگانستان ءِ گوں سوراخیں سیمسراں بلوچ ءِ پاکستانی لشکر ءِ چیلنج ءِ دیم ءَ دارگ نزیک ءَ نا ممکن جوڑ کنت۔ زوراکی ءِ تہ ءَ رچگ ءَ اِنت ایران ءِ سیستان ءُ بلوچستان ءِ استان کہ وتی بلوچ شورش ءِ آماچ اِنت۔
بلوچستان ءَ اے وھد ءَ زوراکی ءِ ھما شدیدیں وبا ءِ آماچ اِنت کہ آئی ءَ سرجمیں سال ءَ برداشت کتگ۔ گوستگیں لھتیں ماھاں پاکستانی سیکورٹی فورسز ءِ سر ءَ ھمگرنچیں سرمچارانی اُرشانی سبب ءَ مزنیں تاوانے رستگ ءُ پاکستانی لشکر ءِ جنرل ھیڈ کوارٹر ءَ مزنیں کچے ءَ آپریشن بندات کنگ ءِ سرا مجبوری کتگ۔ پاکستان ءِ سیکورٹی فورسز ءُ قانون نافذ کنوکیں ادارہاں یکجاہ ءَ 6 جولائی ءَ زیارت ءِ منگی ڈیم پمپنگ اسٹیشن ءِ پولیس پوسٹ ءِ سر ءَ بلوچ سرمچار ءِ مہلکیں اُرش ءِ پسو ءِ رد ءَ آپریشن شعبان ءِ بندات ءِ جار جتگ ءُ ھمے وھد ءَ پاکستانی لشکر ءَ آپریشن بلوچیز ءِ بندات کتگ۔
بلوچ سرمچارانی نیمگ ءَ چہ جوانیں ھمگرنچیں اُرشاں استان ءِ پاکستانی لشکر ءِ یونٹانی بے دروریں نزوری پدر کتگ کہ آیاں وت ءَ گیشتر سرمچارانی رحم ءُ کرم ءَ پیش داشتگ۔ بلوچ جنگول پدا وتی توانائی ءِ درشان ءَ کنگ ءَ اَنت کہ آ پیچیدہ، مزنیں کچے ءَ، گرانیں اُرشاں گوں مزنیں رسائی ءَ ھمگرنچ بہ کن اَنت۔ اے گپ چہ اے گپ ءَ ابید ھم راست اِنت کہ پاکستان ءِ نزیک ءَ سرجمیں وفاقی ءُ ریاستی سیکورٹی ءُ انٹیلی جنس ادارہ بلوچستان ءَ مزنیں کساسے ءَ ھست اَنت۔
پاکستان ءِ لشکر ءِ درستیں شاخ ، چہ ایشاں آرمی ، ایئر فورس ، نیوی ، ءُ کوسٹ گارڈ بلوچستان ءَ ھست انت ءُ آرمی ءِ ھاسیں ھست انت ۔ کوئٹہ ءَ جاہ منندیں پاک فوج ءِ دوھمی کور صوبہ ءِ احتساب ءَ کنت۔ اے تھری اسٹار جنرل ءِ سروکی ءَ کنت کہ آ ھمزمان ءَ جنوبی کمانڈ ءِ کمانڈر ءِ بستار ءَ کار کنت۔ پاکستان ءِ زورگیریں بلوچستان ءَ چار آسراتی پاک فضائیہ ءِ چلائینگ ءَ انت۔ بنجاہی بیس سامونگلی کوئٹہ ءَ اِنت ءُ 31 فائٹر ونگ ءِ جاہ اِنت۔
پاک بحریہ پی او بی ءَ چار نیول بیس ھم چلائینگ ءَ انت۔ گوادر ءِ جہلیں آپی بندرگاہ کہ مغربی بلوچستان ءَ ھوار اِنت، بنجاہی بنجاہ ءِ بستار ءَ کار کنت ءُ کراچی ءَ پد پاکستان ءِ دومی مزنیں بندرگاہ اِنت۔ اے بندرگاہ ءَ پاکستان کوسٹ گارڈ ءِ سیمی بٹالین ھم ھوار اِنت۔ سئے کمتریں بحری اڈہ پسنی، اورمارہ ءُ جیوانی ءَ انت۔
پدا پاکستانی انٹیلی جنس اپریٹس بلوچستان ءَ مزنیں کچے ءَ تعیناتی ءَ برجاہ دار ایت۔ کوئٹہ ءَ انٹر سروس انٹیلی جنس ڈائریکٹوریٹ ءِ مزنیں کساسے ءَ ھست ءُُ اسٹریٹجک انٹیلی جنس ءِ ھوار آپریشن ءِ بندات کنگ ءِ ھم زمہ وار اِنت۔ خلیج عمان ءِ مغربی سرحد ءُ جہاز رانی ءِ لینانی نگرانی ءِ ھاتر ءَ آئی ایس آئی ءِ جوائنٹ سگنل انٹیلی جنس بیورو سینڈک ءُ گوادر ءَ سگنل انٹیلی جنس ءِ جم کنگ ءِ ھاتر ءَ اسٹیشن ءِ رکھینگ ءَ کنت۔ ہر سروس ءِ گور ءَ آئی ایس آئی ءِ ھوار فوجی انٹیلی جنس اثاثہ ھست کہ آھاں اجتماعی رنگ ءَ ایم آئی گشگ بیت کہ آ تاکتیکی لوٹانی پیلو کنگ ءِ ھاترا کارمرز کنگ بنت۔
پاکستانی فوجی اسٹیبلشمنٹ ءَ بلوچستان ءَ بازیں لشکر ءِ ایر کنگ ءَ ابید ھم مدام پہ ناامیتیں استان ءِ مزنیں دمگاں ھرچ وڑیں کنٹرول ءِ برجاہ دارگ ءِ جھد کتگ۔ چوناھا کہ اے پہ ملک ءَ دراھیں ھاسیں پالیسی پیسلہ کنت، فوجی اسٹیبلشمنٹ چہ انوگیں اُرشاں سک شرمندگ اِنت۔ بلوچستان ءِ تہا اُرشانی پسو ءَ وتی نام ءِ رکّینگ ءِ ھاترا فوجی کارروائیانی جار ءَ جنت بلے آ کارروائی ناگزیر بے سوب بنت۔
بلوچستان ءَ آپریشن کنگ ءِ کوشست ءَ پاکستانی لشکر ءَ مدام آفت ءِ آماچ بوھگ ءِ بازیں سبب ھست اَنت۔
وشیں جغرافیہ: بلوچستان ءِ کساس پاکستان ءِ نیمگ ءَ اِنت ءُ آئی ءِ آبادی ءِ شنگ ءُ تالان اِنت۔ اے گپ پاکستانی سرکار ءِ دیم ءَ مزنیں چیلنجے پیش دار ایت، پرچا کہ آ راجدوستیں سلاہ بندیں گلانی ھلاپ ءَ بے ھیالیں ایمنی یے دات نہ کنت کہ آ گوں آسانی ءَ گوریلا اُرشاں بندات کن اَنت ءُ پدا استان ءِ مزنیں جغرافیہ ءِ تہ ءَ وتی دیم ءَ شُت کن اَنت۔ بلوچستان ءَ گوریلا جنگولانی یک ٹولی یے ءِ پجارینگ ءِ نزیک ءَ نا ممکن اِنت۔
مسام داریں سیمسر: بلوچستان ءِ سیمسر گوں ایران ءُ اوگانستان ءَ سوراخ ءُ نزوریں رکینگ ءِ ھال اَنت۔ بلوچ سرکشاں اے سیمسراں چہ مرد ءُ سامان ءِ دوئیں کشگ سک آسان اِنت۔ ایشی ءَ ابید پاکستانی واکدار وتی نزوریں سیادی ءِ سوب ءَ گوں وتی ھمساھگاں یک ھمکاری ءِ رھبندے جوڑ کنگ ءَ بے سوب اَنت کہ بلوچ جنگولانی سرحد ءِ دگہ نیمگے ءَ روگ ءُ آیگ ءِ راہ ءَ بند بہ کن اَنت۔
مزنیں زور ءِ عزم: بلوچستان ءِ سرا موثر نگرانی ءُُ حاکمیت ءِ ھاتر ءَ مزنیں کساسے ءَ فورسز ءِ متحرک کنگ المی انت۔ پاکستان اے وھد ءَ ھما کچ ءِ زور ءِ ھرچ کنگ ءَ بے سوب اِنت، پرچا کہ لشکر بے کساسیں محاذاں چہ ھلاس اِنت۔ پاکستان وتی لشکر ءَ چہ لائن آف کنٹرول ءُُ ہندوستان ءِ گوں میان استمانی سیمسر ءَ چہ جاہ بدل کنگ نہ کنت ءُُ اوگان طالبان ءِ گوما گیش بوھوکیں کش ءُُ چیل ءِ سبب ءَ لشکر ءِ ڈیورنڈ لائن ءَ چہ دور کنگ نا ممکن انت۔ ایشانی ھوار ءَ خیبر پختونخوا ءِ استان ءَ پاکستانی طالبان ءَ پاکستانی سیکورٹی فورسز ءَ گوں مزنیں کساسے ءَ ھوار کتگ۔ اے سبباں چہ پاکستانی لشکر ءِ مزنیں کمانڈ ءَ بلوچستان ءَ وتی لشکر ءِ زور ءَ گیش کنگ ءَ مشکل بوھگ ءَ اِنت۔
باغیانی دیمروئی کنوکیں توانائی: بلوچ سلاہ بندیں گل آں ہر تک ءُ پھنات ءَ وتی صلاحیتاں مزنیں کساسے ءَ گیش کتگ۔ سالانی سالاں بلوچ جنگولاں وتی رابطہ کاری ءِ صلاحیت ءُ سلاہ بندی ءِ تہا مزنیں گہتری آورتگ۔ سرمچارانی تابکاری ءُُ دراجیں عمر بے شکیں اثاثہ انت، پرچا کہ آہاں پاکستانی حکومت ءِ نیمگ ءَ کارمرز بوتگیں جتائیں انسداد شورش ءِ حکمت عملی ءِ رد ءَ وتی رد ءَ ردوم دیگ ءُُ رد عمل ءِ توانائی زرتگ۔ بلوچ سلاہ بندیں گل گوریلا پندلاں چوش کہ کمین، آئی ای ڈی تراک، اسنائپر فائر، ءُ وت کُشیں اُرشاں کارمرز کنان ءَ زمینی پاکستانی لشکر ءَ را تباہ کنوکیں ٹپّے ءِ دیم دیگ ءِ توان ءَ دار اَنت۔
ہچ وڑیں دمگی کمک نیستیں بلوچستان ءِ مزنیں طبیعی زر ءُ مال ءِ باوجود آئی ءِ بازیں آبادی چہ گریبی ءِ لیکہ ءَ چیر ءَ زند گوازینگ ءَ اِنت، اے جاور ھال ءَ چہ دمگی مردمانی تہ ءَ پاکستانی ریاست ءِ ھلاپ ءَ زھر ءُ زھری ءِ مارشت پیداک بوتگ۔ بلوچ چاگرد ءِ یک مزنیں بہرے پاکستانی ”زہری ریاست“ ءَ لٹ ءُ کُٹ کنوک لیکیت کہ وتی زمین ءَ لگتمال کن اَنت ءُ آئی ءَ کالونی ءِ بستار ءَ کارمرد کن اَنت۔ بلوچ چاگرد ءِ تہا چشیں مھکمیں پاکستان دشمنی ءِ جذبہ ءِ ھست بوھگ ءَ چہ آرمی ءِ ھاترا اے نزیک ءَ نا ممکن اِنت کہ آ چہ دمگی مردماں بلوچ سرمچارانی بابت ءَ معتبریں انٹیلی جنس ءِ جم بہ کنت۔ ہر فوجی آپریشن ءِ مقدر زمینی درسیں زانتکاری ءِ ہست نہ بوہگ ءَ ناکام بیت۔
نسل پرستیں سلاہ بندیں مزاحمت ءِ بُن ھشت ءَ بلوچ راج ءِ تہ ءَ زلم ءُ زوراکی ءِ جہلیں رِد ءُ بند داتگیں احساس اِنت۔ پاکستانی ریاست ءَ اے مزاحمت ءَ را مدام درملکی انٹیلی جنس ادارہانی دست ءِ کار ءِ لیبل جتگ بلے راستی ایش انت کہ استان ءِ مزنیں قدرتی وسیلہانی زوراکی ءُ لٹ ءُ کُٹ ءَ بلوچ راجدپتر ءِ توار ءَ را گیش ءُ گیوار کتگ۔ عام بلوچ ءَ وانگ ءُ زانگ، روزگار، بجلی، راہ، ءُ انگت ءَ ساپیں آپ ءِ رسگ ءِ ھچ وڑیں آسراتی نیست ءُ آ اے گپ ءَ سرپد نہ بیت کہ آ پرچا اے وڑیں زھرناکیں گریبی ءِ تہ ءَ زند گوازینگ ءَ مجبور اِنت وھدے کہ اسلام آباد چہ وتی ڈیھ ءِ طبیعی وسیلگاں نپ چست کنت۔
بلوچ راجی زرمبش گُمان بیت کہ بلوچ چاگرد ءِ تہ ءَ گیشتر جہل کپتگ۔ مخالف ریاست ءِ جذبات نوں سرجمیں استان ءَ وتی قبضہ ءَ کتگ۔ اے یک گرانیں راستی یے کہ بلوچستان چہ پاکستان ءِ دست ءَ شُتگ ءُ اے تھنا وھد ءِ گپ اِنت کہ اسلام آباد ءَ نام نہادیں ملک ءِ دومی بہر ءُ بانگ ءِ گواہ بہ بیت۔
برجاھیں تنازعہ ءِ میان ءَ ایران ءِ سر ءَ ڈومنو ءِ اثر .
ایران ءَ پاکستان ءِ زورگیریں بلوچستان ءِ جاور ھالانی ھراب بوھگ ءِ آسر ءَ ڈومنو اثر ءِ آماچ بوھگ ءَ اِنت۔ ایران ءِ جنوب رودراتکی دمگ ءَ استان سیستان ءُ بلوچستان ءَ وتی بلوچ شورش ءِ ھند اِنت۔ ایران ءِ اے استان راج ءِ تہ ءَ گریب تریں ءُ دیمروئی نہ کتگیں دمگ اِنت کہ ایشی ءِ تہ ءَ بے روزگاری ءِ کچ گیشتر اِنت۔ مردم بلوچ، اقلیت قومی مذهبی اهل سنت، بے تناسب ءَ ریاستی ظلم ءُ زوراکیانی آماچ اِنت ءُ چہ ایران ءِ ادارہ ءِ رھبنداں استکِر اِنت۔
دو دراجیں ءُ مسام داریں سیمسر یکے گوں اوگانستان ءَ ءُ دومی گوں پاکستان ءِ قبضہ ءِ چیر ءَ بلوچستان ءَ ایران ءِ سیستان ءُ بلوچستان ءِ استان ءَ ھوار اَنت۔ اے سیمسر پہ صارفین ءِ سامانانی ناجائزیں سوداگری، منشیات ءِ سوداگری ءُ انسانی قاچاق ءِ ھاترا المی ئیں راہ اَنت۔ پی او بی ءِ تہ ءَ دلیری ءِ شورش ءُ گوں امریکہ ءَ برجاھیں جنگ ءِ آسر ءَ بلوچستان سیستان ءَ ایرانی سلاہ بندیں لشکر ءِ آسراتی ءِ استحصال ءِ آسر ءَ ایران ءَ بلوچ جدائی طلبی ءِ شدیدیں جنبش ءِ آسر بوتگ۔
اهل سنت بلوچ سلاہ بندیں گل چو کہ جیش العدل کہ ایرانی بلوچستان ءِ تہ ءَ اے وڑیں مستریں گل اِنت، زرگر ءِ لیکہ ءِ دوئیں نیمگاں (ایران ءُ پاکستان ءِ سیمسر) فعال اَنت۔ اهل سنت بلوچ گل کہ ایران ءِ رژیم ءِ ھلاپ ءَ فعال مزاحمت کنگ ءَ اَنت اے وڑ ءَ چہ پی او بی ءِ تہ ءَ بے قانونی ءُ ریاستی رٹ ءِ نہ بوھگ ءَ نپ چست کن اَنت، پرچا کہ آ سرحد ءِ دگہ نیمگ ءَ پناہ گاہ جوڑ کن اَنت۔ ایشی ءَ ابید جیش العدل ءَ ریبرانڈنگ کتگ ءُ پی او بی ءَ نوکیں شریکداری جوڑ کتگ۔ جیش العدل ءِ ماتیں گل جند اللہ فرقہ وارانہ دروشم ءَ ات ءُ پاکستان ءِ شیعہ آبادی ءَ نشانگ جوڑ کنگ ءِ منوگر ات ءُ جیش العدل ءِ مستریں مول ءُ مراد بلوچ راج ءَ ایران ءِ تھیوکریٹک حکومت ءَ چہ آجو کنگ انت۔
جیش العدل ءُ بلوچستان لبریشن آرمی کہ پی او بی ءِ تہا کار کنوکیں مزنیں بلوچ سلاہ بندیں گلے، فرقہ وارانہ جنگولی گلانی بدل ءَ نسل پرستیں گل ءِ بستار ءِ سبب ءَ بازیں حوالہ ءَ نزیکیں سیادی یے داریت۔ پیسریگیں ءِ گیش ءُ گیوار بوھوکیں اُرش ءِ رھبند ءِ رد ءَ اے گپ ءِ پدر کنگ بیت کہ دوئیں بلوچ ناشرکاریں گلانی نیام ءَ بوت کنت کہ یک کراس بارڈر ءِ سیادی یے دیم ءَ اتکگ۔ اگاں چہ جیش العدل انگت ءَ چیزے مذہبی اِنت ءُ بی ایل اے سیکولر اِنت بلے دوئیں ناشرکاریں گلانی یکیں مول ءُ مراد ءُ گیش ءَ چہ گیش ھما مول ءُ مراد ءِ سرجم کنگ ءِ یکیں رھبندے ھست۔
ایران ءِ وتی جنوب مشرقی استان ءَ یک انچیں شدیدیں شورشے ءِ آماچ بوھگ ءِ وھد ءِ گپ اِنت کہ ایران ءِ کردستان (روجھلات) ءِ کردانی شورش ءَ ھمگرنچ اِنت۔ بلوچ سلاہ بندیں تحریک ءِ انتظام ءِ تہا تہران ءَ را مزنیں چیلنجانی دیمپانی کنگی انت، پرچا کہ اے کار ءِ کنگ ءِ ھاترا پاکستانی واکدارانی ہمگام ءَ یکجائی آپریشن ءِ ضلورت بیت کہ ایشی ءِ آسراتی ءِ امکان نیست۔ بلوچ جدائی طلبی تحریک ءِ بابت ءَ تہران ءُ اسلام آباد ءِ نیام ءَ مزنیں اعتماد ءِ کمی یے است کہ ہر یکے دومی ءِ سرا بلوچ سلاہ بندیں گلانی حمایت کنگ ءِ الزام ءَ جنت کہ دومی ءِ نزور کنگ ءَ انت۔ ائیر جی سی ءَ را وتی ملک ءَ نظم ءُ ضبط ءِ برجائی ءَ مزنیں مشکلے بیت، اودا اے وھد ءَ بے کساسیں سلاہ بندیں تحریک استحکام ءَ را ھراب کنگ ءَ انت ءُ ھمے وھد ءَ یک درائیں دژمن ءِ ھلاپ ءَ جنگ ءَ انت۔
منیش رائے انت۔ یک آسٹریلوی جیو پولیٹیکل تجزیہ کار ءُ میان اُستمانی ءُ اف پاک ءِ ھاتر ءَ کالم نگار ءِ نام ءَ زانگ بیت۔
بیسا سینٹر ءِ شنگکاری ءُ پٹ ءُ پول ممکن کنگ بوتگ
ساؤل کوشیتزکی ءُ ھاندان ءِ سخاوت ءِ منت ءَ
