بلوچستان ءِ ضلع خضدار ءَ چہ دو مردمانی آش برآمد کنگ بوتگ ۔

خضدار: دو بیگواھیں مردمانی لاش دست کپتگ
بلوچستان ءِ ضلع خضدار ءَ چہ دو مردمانی آش برآمد کنگ بوتگ ۔
اے لاش غلام حسین عمرانی ءِ چک عابد حسین ءُ گہور خان ءِ چک مست خان لوٹانی سکنا نورگاما ءِ انت کہ ہشت سال پیسر بیگواہ بوتگ انت۔ غزان کوچو ءِ سڑک ءِ سرا دست کپتگیں زہریں لاش کہ آہانی سرا بیران بوتگیں مردمانی شناخت ءِ پرچی نبشتہ کنگ بوتگ انت، لاش وارثانی دست ءَ داتگ انت۔
اگست 2021 ءَ عابد حسین ءِ مات کوئٹہ ءَ وائس فار بلوچ مسنگ پرسن ءِ کیمپ ءَ اتکگ ءُ آئی ءِ زوراکی ءَ بیگواہ کنگ ءِ ھال ءُ اھوال جم کتگ۔
لوگ ءِ مردمانی گشگ ءِ رد ءَ عابد حسین 28 اکتوبر 2017 ءَ خضدار ءِ انجیرہ کراس ءَ چہ یک بااثریں مردمے ڈپٹی ملا مرید ءَ آوار جتگ ءُ سرکاری ادارہانی دست ءَ داتگ۔
سیاد ءُ وارسانی گشگ ءِ رد ءَ آیاں عابد حسین ءِ زوراکی ءَ بیگواہ کنگ ءِ ھلاپ ءَ بازیں دروازگ جتگ بلے ھچ وڑیں اُمیت نیست اَت مرچی آئی ءِ لاش برآمد کنگ بوتگ۔
زانگ بہ بیت کہ دو روچ ءِ تہا بلوچستان ءِ جتائیں دمگاں چہ بیگواہیں چار مردمانی جون دست کپتگ۔ گوستگیں روچ ءَ چہ آواران ءَ دو مردمانی جون برآمد کنگ بوتگ ۔
آواران ءَ چہ برآمد بوتگیں لاش فقیر جان ءُ عیسیٰ ءِ لاش بوتگ انت۔ فقیر جان 26 ستمبر 2024 ءَ آئی ءِ لوگ ءِ سر ءَ اُرش ءِ وھد ءَ دزگیر کنگ بوتگ وھدے کہ عیسیٰ 17 فروری 2023 ءَ چہ بیگواہ اِنت۔