بی ایس اے سی نوکیں سال ءِ بنگیج ءَ گوں سرجمیں بلوچستان ءَ 3روچی کتاب اسٹال ءَ کنت

بی ایس اے سی نوکیں سال ءِ بنگیج ءَ گوں سرجمیں بلوچستان ءَ 3روچی کتاب اسٹال ءَ کنت

بلوچ اسٹوڈنٹس ایکشن کمیٹی ءِ مرکزی جارکش ءَ رسانکدر ءَ داتگیں بیانے ءِ تہ ءَ نوکیں سال ءِ بندات ءَ سرجمیں بلوچستان ءَ ”بلوچستان کیتاب کاروان“ ءِ ساھگ ءَ سئے روچی کتابانی دکان ءِ برجم دارگ ءِ لوٹ کتگ۔ روچی اسٹال ءَ سیاسی شعور آرگ ءَ ابید راجدپتر ءِ بابت ءَ نوکیں نسل ءَ را بصیرت ءِ داتگیں درستیں کتاب دست کپتگ اتنت۔ ہر جاہ ءَ چاگردی دیمروی ءِ بندوک ورناہانی سرا انت۔ بیان ءِ تہ ءَ گشگ بوتگ کہ وھدے ورنا سیاسی ءُُ وانگ ءُُ زانگ ءِ رد ءَ لیس کنگ بنت گڑا آ چاگردی بدلی ءِ راہ ءَ رھادگ بنت۔

اے گل ءِ گمان اِنت کہ سیاسی شعور ءِ بازیں راہ ءُ درانی تہا یکے کتابانی گوں نزیکیں رابطہ اِنت۔ یک نیمگے ھما جاہ ءَ کہ بلوچستان ءِ ادارہانی تہا آجوئی ءِ درشان ءِ بازیں بندشانی تہا ھوار اِنت، دومی نیمگ ءَ تنظیم ءَ داتگیں پروگرام ءِ چیر دستی ءَ کتاب وانگ ءُ کتابجاہ جوڑ کنگ ءِ دود ءُ ربیدگ ءِ دیمروئی ءِ رفتار برجاہ داشتگ۔

ترجمان ءَ گوشت کہ نوکیں سال ءِ بندات دگنیا ءِ دیمروئی کتگیں ملک آنی تہ ءَ چہ آھانی ملک آنی مقابلہ ءَ جتا بیت۔ اے ھبر ایش اِنت کہ آیاں پیسر ءَ چہ راجدپتری عملانی دیمپانی کتگ اَت کہ آ ھما جاہ ءَ سر بہ بنت، وھدے کہ بلوچ ءَ یک راجے ءِ بستار ءَ انگت میلانی سفر کنگی اِنت۔ بلے ھما چیز کہ دیمروئی کتگیں راجاں یکجاہ کنت آ ایشانی یکجاھیں سیاسی شعور ءُ تنقیدی رپوٹ اَنت۔ ترجمان گشیت کہ کتاب وانگ ءِ دودمان دوئیں چیزاں رِد ءُ بند دنت کہ ایشی ءِ تہا کتابانی وسیلہ ءَ چاگردی، سیاسی، معاشی ءُ سائنسی زانت ھوار اِنت۔

اے گل چو ہر سال ءَ بلوچستان ءِ ہر کُنڈ ءُ کُنڈ ءَ زانت ءِ شمع ءِ شنگ کنگ ءِ سوب ءَ ”بلوچستان کیتاب کاروان“ ءِ رُژنائی ءَ رُژنائی ءَ برجاہ داشتگ ات۔ اے گپ ءَ ابید کمیٹی ءَ پہ بلوچ ورناہانی سیاسی کنگ ءَ ”نویشت“ ءُ ”گام“ ءِ تاکبند باقاعدگی ءَ شنگ کنگ ءَ اَنت ءُ دمگ ءِ وانگ ءُ زانگ ءِ نظام ءِ مزنیں کمیانی پدر کنگ ءُ واکداراں پہ ایشی ءِ گہتر کنگ ءَ زور دیگ ءِ ھاتر ءَ ”بلوچ وانندگی کمپین“ ءِ کار برجاہ اِنت۔ جارکش گشیت کہ بلوچ دمگاں سواد ءِ کمپین ءِ سر ءَ پٹ ءُ پولی کتابچے ھم چاپ بوتگ کہ اودا وانگ ءُ زانگ ءِ رد ءُ بند نشان کنگ بوتگ اَنت۔

وتی بیان ءِ گڈسرا جارکش ءَ گشتگ کہ تنظیم ءِ دراہیں زوناں چہ لوٹ کنگ بوتگ کہ نوکیں سال ءَ ’’بلوچستان کیتاب کاروان ‘‘ ءِ بیرک ءِ چیر ءَ 3روچی کتابی دکان ءِ گوما بنگیج بہ کن انت۔ آہاں چہ لس مھلوک ءَ لوٹ کت کہ آ ھاسیں رنگ ءَ نودربر، استاد، دانشور، سیاسی ءُ چاگردی مردماں کتابانی دکاناں بہ چار اَنت ءُ کتابی دود ءُ ربیدگ ءِ دیمروئی ءِ شرپداریں کار ءِ دیمروئی ءَ کمک بہ کن اَنت۔