عبدالرؤف اسحاقی، کمانڈر زون مزاحمتی پرود بسیج ءِ دمگ راسک، سیستان ءُ بلوچستان، سئے شمبے 8 ستمبر ءَ ناشناسیں سلاہ بندیں مردمانی اُرش ءَ بیران بوتگ۔
رسانکدر بلوچ . ھال ایجنسی ءَ پولیس ءِ ھال رسانکی ادارگ ءِ رد ءَ ھال داتگ کہ تیرگواری ءَ پد سیکورٹی فورسز ءَ نگرانی ءُ پدگیری ءِ کارروائی بندات کتگ ءُ تیرگواری ءِ کارروائی بندات کتگ۔
پولیس ءِ ھال رسانکی ادارگ ءَ اے ھم گْوشتگ کہ اے وئیل ءِ بابت ءَ گیشیں ھال ءُ اھوال پٹ ءُ پول ءِ آسر ءُ سیکورٹی ءُ عدلیہ ءِ نیمگ ءَ سرکاری جار ءِ پد ءَ شنگ کنگ بنت۔
سیستان ءُ بلوچستان ءِ ھالانی شنگ کنوکیں رسانکدر ھالوش ءَ دمگی باسیج ءِ کارندہ ءِ کوش ءِ پدرائی کتگ ءُ نبشتہ کتگ کہ اے وئیل پرود ءِ شھر ءِ سیمسراں بوتگ ءُ سلاہ بندیں مردم تیرگواری ءَ پد چہ جاہ ءَ شُتگ اَنت۔