چگائی: پولیس ءَ شمبے ءِ روچ ءَ گشتگ کہ ضلع چاگائی ءِ دمگ چارسار ءَ روچ ءِ رژنائی ءَ سلاہ بندیں مردماں چار آرمی ءِ ھوار کسٹم ءِ کارندہ چہ مسافر کوچ ءَ آوار جتگ۔
پولیس ءِ وسیلگ ءِ رد ءَ کسٹم ءِ کارندہ محمد ابراہیم ڈیوٹی ءِ سر ءَ کوئٹہ ءَ چہ ڈلبندین ءَ روگ ءَ بوتگ کہ راہ ءَ مسافر کوچ ٹُک اتگ۔ ایشی ءَ پد سلاہ بندیں مردم جاہ ءَ سر بوتگ اَنت ءُ مسافراں اوشتارینتگ ءُ آھانی شناختی کارڈ چیک کتگ ءُ پد ءَ ابراہیم ءَ ھوار چار مردماں برتگ۔
اے وئیل ءِ پد ءَ پولیس ءُ سیکورٹی کارندہ دمگ ءَ سر بوتگ اَنت ءُ آوار جنگ بوتگیں مردمانی پجارینگ ءُ آوانی برآمد کنگ ءِ ھاترا پٹ ءُ پولی کارروائی بندات کتگ۔ دگہ سئے آوار جنگ بوتگیں مردمانی پجار ءُ آھانی جاہ ءُ نشان ءِ بابت ءَ گیشتریں ھال ءُ اھوال زوت دست نہ کپتگ اَنت۔
اے وئیل ھما وھد ءَ بوتگ کہ بلوچستان ءَ سیکورٹی ءِ جیڈھ برجا اَنت کہ اودا سلاہبندیں گلاں جتاجتائیں دمگاں اُرش ءُ آوار جتگ اَنت۔
یک جتاھیں ھال ءِ تہ ءَ پنجگور ءِ ایڈیشنل سیشن جج اسد اللہ رئیسانی کہ اے ھپتگ ءِ بندات ءَ آوار جنگ بوتگ ، آئی ءِ لوگ بانک ءِ رد ءَ چار روچ ءِ بندیگ جاہ ءَ گوازینگ ءَ پد وش ءُ سلامت وتی لوگ ءَ واتر بوتگ ۔
ھاندان ءِ مردمانی گشگ اِنت کہ جج 7اکتوبر ءَ کوئٹہ ءَ چہ پنجگور ءَ روگ ءَ بوتگ کہ بسیمہ ءِ نزیک ءَ سلاھبنداں آئی ءِ گاڑی مان کتگ ءُ آوار جتگ۔
آئی ءَ پد گدار ءِ نزیک ءَ یلہ داتگ ءُ وتی لوگ ءَ وش ءُ سلامت سر بوھگ ءَ سوبین بوتگ ءُ آئی ءِ لوگ ءِ مردماں ریلیف داتگ۔
آئی ءِ یلہ کنگ ءِ جاور ھال آنی بابت ءَ دگہ ھچ وڑیں ھال ءُ اھوال زوت دست نہ کپتگ۔
اے دوئیں وئیل بلوچستان ءِ شاہراہ آنی سر ءَ آرمی پرسنل ءِ دیم ءَ سیکورٹی چیلنج آناں پدر کن اَنت ، ھاسیں رنگ ءَ دوریں دمگ آنی تہ ءَ کہ اودا آبادی آنی نیام ءَ دراجیں دوری ءِ سبب ءَ ہنگامی رد عمل پیچیدہ بوت کنت۔
حکام ءَ چارسر ءَ مسافر کوچ ءَ چہ آوار جنگ بوتگیں چاریں مردمانی برآمد کنگ ءِ جہد بندات کتگ ات وھدے کہ پنجگور ءِ قاضی ءِ سلامتیں واتر بوھگ ءَ آئی ءِ ھاندان ءِ چار روچی آزمائش ءِ آسر بوتگ۔