بلوچ ڈل ءَ اقوام متحدہ ءَ چہ بلوچستان ءَ انسانی حقانی لگتمالیانی پٹ ءُ پول ءَ دزبندی کتگ
جنیوا (سوئٹزرلینڈ) 29 نومبر (HBTV): اقوام متحدہ ءِ باسک ستامیتیا ستاوریناکی ءَ گوں گند ءُ نند ءِ وھد ءَ بلوچ آواز انجمن ءُ بلوچ پیپلز کانگریس ءِ نمائندگاں بلوچستان ءَ انسانی حقانی لگتمالی ءِ درگت ءَ ترندیں پٹ ءُ پول کنگ ءِ لوٹ کتگ کمیٹی ءِ نژادی تبعیض ءُ شکنجہ ، جمعہ ءِ روچ ءَ جنیوا ءِ پیلیس ویلسن ءَ ۔
اے ڈل ءَ بلوچ آبادی ءِ ھلاپ ءَ انسانی ھکانی منظم لگتمالی ءِ سرجمیں رپورٹ ءُ ویڈیو شواہد پیش کتگ اَنت کہ ایشی ءِ تہ ءَ زوراکی ءَ بیگواہ کنگ، غیر عدالت ءِ کشگ ءُ مزنیں کچے ءَ ٹارچر کنگ ءِ سر ءَ چمشانک دیگ بوتگ۔ ایشاں بلوچ شہری آنی دیم ءَ نسلی تبعیض ءُ سیاسی زلم ءُ زوراکی ءِ بابت ءَ ھم گپ جتگ ءُ ھاسیں رنگ ءَ گوں وائس فار بلوچ مسنگ پرسن (VBMP) ءَ سیادی داروکیں ھانداناں نشانگ جوڑ کنگ بوتگ کہ آ پاکستانی سرکاری لشکر ءُ انٹیلی جنس ایجنسی آنی نیمگ ءَ آئی ایس آئی ءَ ھوار ارش کنگ بوتگ اَنت۔
اقوام متحدہ ءِ تہا بلوچ نمائندہ منیر مینگل ءَ پاکستان ءِ نیمگ ءَ چہ میان استمانی انسانی حقانی کنونشنانی لگتمالی ءِ مذمت کتگ ءُ اے زلم ءُ زوراکیانی ترندیں پٹ ءُ پول ءِ لوٹ کتگ۔
یک ھاسیں پریشان کنوکیں جیڑھے کہ چست کنگ بوتگ ات آ بلوچ نودربراں ھاسیں رنگ ءَ یونیورسٹیانی نسلی پروفائلنگ ات کہ آ دود ءُ ربیدگی کارانی تہا بہر زورگ یا بلوچی روایتی پوشاک ءِ پوشگ ءِ سبب ءَ زوراکی ءَ بیگواہ کنگ ءِ آماچ بوتگ انت۔
بلوچ ڈل ءَ اقوام متحدہ ءِ کمیٹی ءَ چہ لوٹ کتگ کہ آ بلوچستان ءَ بہ روت، بیران بوتگیں مردمانی کھولاں گوں گند ءُ نند بہ کنت، ءُ سرجمیں پٹ ءُ پول ءَ بہ کنت۔ آہاں اے گپ ءِ سرا زور پر دات کہ پاکستان انسانی حقانی میاں اوستمانی کنونشنانی سرا دستخط کنوک ءِ بستار ءَ وتی ذمہ واری آنی خلاف ورزی کنگ ءَ انت ءُُ ایشی ءَ را احتساب کنگ لوٹیت۔