بلوچ راج نوآبادیاتی زلم ءُ ریاستی زوراکیانی بدتریں دروشماں برداشت کنگ ءَ انت .

بلوچ راج نوآبادیاتی زلم ءُ ریاستی زوراکیانی بدتریں دروشماں برداشت کنگ ءَ انت .
بلوچ راج نوآبادیاتی زلم ءُ زوراکی ءُ ریاستی زوراکی ءِ بدتریں رنگاں برداشت کنگ ءَ اِنت کہ آھانی تہا زوراکی ءَ بیگواہ کنگ، چہ عدالت ءَ دریں کُشگ ءُ نسل کشی ھوار اَنت کہ آ انگت ءَ میان اُستمانی چاگرد ءُ انسانی ھکانی گلانی نیمگ ءَ چہ نا منّگ بوتگ اَنت۔ ہر روچ گوزگ ءَ گوں اے وڑیں کیسانی کساس گیش بوھگ ءَ اِنت، پدا ھم بلوچ راج گوں مھکمیں جزم ءَ اے جرماں مزاحمت کنت۔

اے ھرابیں نقضانی میان ءَ کلات ءِ مردماں گوں سید حسن شاہ ءُ سید اختر شاہ ءِ کھول ءَ مزنیں شاہراہ بند کتگ ءُ آھانی سلامتیں جان سلامتی ءِ لوٹ کتگ۔ یک پت ءُ چُک پاکستانی لشکر ءِ دست ءَ دزگیر کنگ بوتگ اَنت: سید حسن شاہ ھشت روچ پیسر زوراکی ءَ بیگواہ کنگ بوتگ ءُ آئی ءِ چُک دو ماہ پیسر زوراکی ءَ بیگواہ کنگ بوتگ۔
اے میان ءَ لسبیلہ ایگریکلچر یونیورسٹی ءِ نودربراں گوں بایندور ءِ ھاندان ءِ مردماں -یک نودربرے کہ 29 نومبر ءَ چہ اتھل شہر ءَ زوراکی ءَ بیگواہ بوتگ – یونیورسٹی ءِ دیم ءَ دھرنہ کیمپ ءِ برجم داشتگ ءُ آئی ءِ وش ءُ سلامت بوھگ ءِ لوٹ کتگ۔ بیاندور ءِ پت مرید خان کہ یک پیریں اسکول ءِ استادے کہ پہ وتی زند ءِ گوازینگ ءَ جہد کنگ ءَ اِنت، آئی ءَ وتی لوگ یلہ داتگ ءُ وتی چُک ءِ واتر بوھگ ءِ ھاترا اے زھرشانی ءِ سروکی ءَ کتگ۔ بیندور وتی گڈی چکاساں چہ پیسر زوراکی ءَ بیگواہ کنگ بوتگ۔

دگہ یک بلوچ نودربرے نام امتیاز بلوچ نذیر احمد ءِ چُک ءُ بلیڈہ ءِ نندوک اِنت وتی لوگ ءِ رھادگ بوھگ ءِ وھد ءَ ماں کوئٹہ ءَ پہ زور بیگواہ کنگ بیتگ۔ امتیاز بہاو الدین زکریہ یونیورسٹی ءِ بی ایس پبلک فنانس ءِ اولی سیمسٹر ءِ نودربر اِنت۔

مئے گوں انسانی ھکانی گل ءُ سول سوسائٹی ءَ دزبندی اِنت کہ آ امن ءُ ایمنی ءِ بلوچ نودربر ءُ لس مردماں نشانگ کنگ ءِ اے ھرابیں جرمانی ھلاپ ءَ اوشتات بہ کن اَنت۔ ھاسیں رنگ ءَ ما چہ اقوام متحدہ ءِ زوراکیں بیگواھیانی کارگس ءَ لوٹ کن ایں کہ آ زوت ءُ پیشگی گامگیج بہ زور اَنت ءُ پاکستانی واکداراں انسانیت ءُ بلوچ راج ءِ ھلاپ ءَ وتی جرم ءِ احتساب ءَ بہ کن اَنت۔

# زبردستی بیگواہیانی آسر کنگ

#بلوچ نسل کُشی بند کن اِت