بلوچ زالبولانی دیوان ءَ کریمہ بلوچ ءِ چارمی مرگ ءِ روچ ءَ ماں آواران ءَ یات کنگ بیت

بلوچ زالبولانی دیوان ءَ کریمہ بلوچ ءِ چارمی مرگ ءِ روچ ءَ ماں آواران ءَ یات کنگ بیت
بلوچستان پوسٹ ءَ ھال داتگ کہ بلوچ زالبولانی دیوان ءَ بلوچ ءِ مزن نامیں جھدکار کریمہ بلوچ ءِ بیرانی ءِ چارمی سال ءِ یات ءَ آواران ءَ یک یادگاری سیمینارے برجم داشتگ۔
اے مراگش ءَ کہ چاگرد ءِ جتا جتائیں پڑاں چہ زالبولیں کارکن ءُ مردمانی مزنیں کساسے ءَ ھوار بوتگ ات، ایشی ءِ مول ءُ مراد آئی ءِ زند، کوشست ءُ قربانیانی سرا خراج تحسین پیش کنگ بوتگ ات۔

بلوچستان پوسٹ ءِ رد ءَ نامداریں انسانی ھکانی جھدکار کریمہ بلوچ دسمبر 2020 ءَ ماں کینیڈا ءِ شھر ٹورنٹو ءَ شکی ئیں جاوراں بیران بوتگ۔ آئی ءَ بلوچستان ءَ چہ درکپگ ءَ پد کینیڈا ءَ پناہ گپتگ ات کہ اودا آئی ءِ سرگرمی ءَ آئی ءُ آئی ءِ ھاندان پاکستانی واکدارانی نشانگ جوڑ کتگ ات۔ کینیڈا ءِ کارندہاں آئی ءِ بیرانی ءِ تہا ہچ وڑیں ناپاکی ءِ شک نہ کتگ بلے آئی ءِ ھاندان ءُُ حمایت کنوکاں آئی ءِ ناگیگیں ءُُ بے وھدیں بیرانی ءِ راستیں سبب ءِ سرا مدام جُست ءُُ پُرس کتگ۔
کریمہ بلوچ انسانی حقانی مھکمیں منوگر ات ءُ بلوچستان ءَ زوراکی ءَ بیگواہ کنگ ءُ آوار جنگ ءِ ھلاپ ءَ وتی ھیال ءِ درشانی کت۔

یادگار ءِ مراگش ءَ گشتانک دیوکاں بلوچ ءِ ھاتر ءَ کریمہ ءِ وشیں کرد ءِ توسیپ کت ءُُ ھاسیں رنگ ءَ بلوچ نودربر گل ءِ سروکی ءِ اولی زالبول ءِ بستار ءَ آئی ءِ پیشگامیں کرد ءِ سرا چمشانک دات۔ بلوچ زالبولانی توار ءِ گیش کنگ ءِ ھاترا آئی ءِ بے مٹیں کوشست ءُ انسانی ھکانی ھاترا آئی ءِ مھکمیں جھد ءِ سرا چمشانک دات۔ گشتانک دیوکیں مردمانی گشگ ءِ رد ءَ کریمہ ءِ وکالت ءَ نہ ایوک ءَ بلوچستان ءَ آئی ءِ شناخت رستگ بلکیں آئی ءَ را سرجمیں دگنیا ءِ مظلومیں راجانی واستہ اُمیت ءِ علامت جوڑ کتگ۔
مراگش ءِ ساھت ءَ گشتانک دیوکاں اے گپ ءِ سر ءَ زور پر دات کہ کریمہ ءِ راہ آئی ءِ مھکمیں دلجمی ءُُ بہادری ءَ چہ زانگ بوتگ۔ آئی ءِ جان ءِ بے کساسیں ھترہ ءُ آئی ءِ لوگ ءِ مردمانی آوار جنگ ءَ ابید ھم آ بلوچ راج ءِ انصاف ءِ ھکل ءَ وتی ھک ءَ برجاہ داشتگ۔ مزاحمت ءِ آئی ءِ زند بازیں مردمانی واستہ الہام جوڑ بوت، آئی ءِ قربانی دنیا ءِ حاشیہ ءِ سرا نشتگیں کمیونٹیز ءِ واستہ طاقت ءِ علامت ءِ دروشم ءَ زانگ بوت انت۔

یادگار ءِ تہا ھواریں مردماں کریمہ ءِ جنگ ءِ برجاہ دارگ ءِ ھاترا وتی جھد ءِ پدا پدر کت۔ ایونٹ ءِ آسر ءَ شریکاں آئی ءِ میراث ءِ برجائی ءِ وعدہ کتگ ءُ اے گپ ءَ پدر کتگ کہ آئی ءِ توار ءِ گوشدارگ ءِ رہبند برجاہ بیت۔

balóch zálbuláni diwán á karimah balóch ay chármi marag ay róch á mán áwárán á yát kanag bit
balóchestán pósth á hál dátag kah balóch zálbuláni diwán á balóch ay mazan námén jahdkár karimah balóch ay béráni ay chármi sál ay yát á áwárán á yak yádgári simináré barjam dáshtag.
é marágesh á kah chágard ay jatá jetáén padhán chah zálbulén kárkan o mardamáni mazanén kasásay á hawár butag át, éshi ay mól o morád ái ay zand, kóshast o korbániáni sará kráj tahsén pésh kanag butag át.

balóchestán pósth ay rd á námdárén ánsáni hkáni jahdkár karimah balóch dasmbar 2020 á mán kinédhá ay shahr thurnthu á shki aén jáwarán bérán butag. ái á balóchestán á chah darkapag á pad kinédhá á panáh goptag át kah ódá ái ay sargarmi á ái o ái ay hándán pákastáni wákdáráni neshánag jódh ketag át. kinédhá ay kárandahán ái ay béráni ay tahá hch wadhén nápáki ay shk nah ketag bale ái ay hándán oo hmáyat kanókán ái ay nágigén oo bé wahdén béráni ay rástén sabab ay sará modám jost oo pors ketag.
karimah balóch ánsáni hkáni mahkamén manóger át o balóchestán á zóráki á bégwáh kanag o áwár jang ay haláp á wati hayál ay darsháni kat.

yádgár ay marágesh á goshtánk dayókán balóch ay háter á karimah ay washén kard ay tawsip kat oo hásén rang á balóch nódarbar gal ay saróki ay óli zálbul ay bastár á ái ay péshgámén kard ay sará chamshánk dát. balóch zálbuláni tawár ay gésh kanag ay hátrá ái ay bé mathén kóshast o ánsáni hkáni hátrá ái ay mahkamén jahd ay sará chamshánk dát. goshtánk dayókén mardamáni goshag ay rd á karimah ay wakálat á nah éók á balóchestán á ái ay shnákt rastag balkén ái á rá sarjamén dognyá ay mzlumén rájáni wástah omét ay lámat jódh ketag.
marágesh ay sáht á goshtánk dayókán é gapp ay sar á zór par dát kah karimah ay ráh ái ay mahkamén deljami oo bahádari á chah zánag butag. ái ay ján ay bé kasásén hatrah o ái ay lóg ay mardamáni áwár jang á abéd ham á balóch ráj ay ansáp ay hkal á wati hok á barjáh dáshtag. mazáhmat ay ái ay zand bázén mardamáni wástah álahám jódh but, ái ay korbáni donyá ay háshih ay sará neshtagén kamiónthéz ay wástah tákt ay lámat ay dróshm á zánag but ánt.

yádgár ay tahá hawárén mardomán karimah ay jang ay barjáh dárag ay hátrá wati jahd ay padá padar kat. éónth ay ásar á sharikán ái ay mirás ay barjái ay udah ketag o é gapp á padar ketag kah ái ay tawár ay góshdárag ay rahband barjáh bit.