بلوچ یک قومے ءُ ہر قوم ءَ راجی وتواکی ءِ حق است انت۔ بلوچ گپ ءُ تران ءُ پرسن آبادکاری ءِ وسیلہ ءَ آزاتیں ریاستے ءِ وتی حق ءَ سرپد کنگ لوٹیت۔ البت ایران ءِ سروکاں اے دمگ ءَ پہ ھمزوری ءِ راہ ءُ درے کشّگی اِنت۔ آجوئی بلوچ ءِ اکثریت ءِ بنیادی واھگ انت۔
ایران ءِ جتا جتائیں راجانی نیام ءَ راجی وت واجہی ءِ جہد یک سکیں ناامیتیں جاورحالے کہ گیش بوھگ ءِ کش ءَ اِنت۔ اگاں اے گپ ءِ گیش ءُ گیوار کنگ مہ بیت گڑا اے گپ چہ ایران ءِ نوکیں ریاست ءَ را ھما وڑا کہ ما زانیں ، بالقوه ءِ رد ءَ ھراب کنت ءُ یک تباہ کنوکیں نسلی جنجالے ءَ دیم ءَ شُت کنت۔
بلوچ ءَ وت واجھی ءِ راجدپتر ھست ءُ بوت کنت کہ زوت یا دیر ءَ چہ دریں ھمراہ داری رس ایت کہ آھانی راجی وت واجھی ءِ دعویٰ ءَ مھکمیں حمایت ءَ بہ کنت۔ پد ءَ بلوچ پہ راجی وت واجھی ءِ جنگاں چہ ایران ءِ آدگہ اندری جنجالاں گیشتر زوراک ءُ دراج کش تر بوت کن اَنت۔
ایران ءِ اقلیتانی لھتے سروک راجی وت واجھی ءِ ھیال ءَ پہ مرکزی سرکار ءَ چیلنج کنگ ءَ کارمرز کن اَنت۔ ایشانی مول ءُ مراد وتی اثر ءُ رسوخ ءَ گیش کنگ ءَ چہ اقتدار ءِ گرگ اِنت۔ اے درگت ءَ وت واجہی ءِ دعویٰ بُنکی رنگ ءَ چہ مرکزی حکومت ءَ سیاسی یا معاشی نفع ءِ گرگ ءِ ھاترا کارمرز کنگ بنت۔
وت واجہی ءِ آئیڈیل ہم میان استمانی بحثانی تہا جائزیں جیڑہے جوڑ بوتگ، پرچا کہ اقلیتی گل وتی حکومتانی چہ نفع ءِ ہاترا ایشی ءَ گیشتر کارمرز کن انت۔
ایران ءِ تہ ءَ راجی اقلیتانی آماچیں تبعیض ءِ کساس ءُ شکل ءِ رد ءَ فرق اِنت۔ پمشکا وت واجھی ءِ حق ھمک راجی اقلیت ءِ بنکی لوٹ نہ اِنت۔ لہتیں گل کہ آہانی تہا وت واجہی یا درملکی حمایت ءِ راجدپتر است انت آ چہ نزوریں اقلیتاں گیشتر زبردستی ءَ ایشی ءِ رندگیری ءَ کن انت۔
اے گپ ءَ چہ اے گپ پدر بیت کہ آ کہ ریاست ءَ چیلنج کن اَنت آ باز براں وت واجہی ءِ دعویٰ ءَ ستراتیژیک رنگ ءَ کارمرز کن اَنت۔ خودمختاری ءِ سرا تنازعات چہ طبقاتی، مذہب یا دگہ نظریات ءِ بنیاد ءَ تنازعات ءَ گیشتر مہلک ءُُ طاقتور انت۔ چوش کہ وت واجہی ایوک ءَ اقتدار ءِ رسگ ءِ وسیلہ نہ اِنت۔ اے جیڑہانی سنگینی ءُ لھتے راجی اقلیتانی ھاترا وت واجھی ءِ گیش بوھوکیں ارزشت ءِ دیم ءَ آرگ ءَ ایران ءِ تہ ءُ ڈن ءِ پالیسی سازاں بلوچ راجی وت واجھی ءِ لوٹ ءِ نیمگ ءَ مزنیں دلگوشے دیگی اِنت۔
@وزارت خارجہ .
@ کارنیگی اینڈو
@ کیدار_مردکائی
