برطانیہ ءِ پارلیمنٹ ءَ بلوچستان ءِ جیڑھ ءِ بابت ءَ دیوان ءِ میزبانی، میاں استمانی ترندیں گامگیج ءِ لوٹ

برطانیہ ءِ پارلیمنٹ ءَ بلوچستان ءِ جیڑھ ءِ بابت ءَ دیوان ءِ میزبانی، میاں استمانی ترندیں گامگیج ءِ لوٹ

لندن [برطانیہ]، 5 دسمبر، (ANI): برطانیہ ءِ باسک سوجان جوزف ءَ لندن ءِ پارلیمنٹ ہاؤس ءَ دیوان ءِ میزبانی کت، بلوچستان ءَ انسانی حقانی لگتمالی ءِ گیش بوھوکیں جیڑہانی بابت ءَ گپ ءُ تران کنگ بوتگ، ھاسیں رنگ ءَ پاکستانی سیکورٹی فورسز ءَ گوں منسوب کنگ بوتگیں جیڑہانی بابت ءَ گپ ءُ تران کنگ بوتگ۔

زانتکار، اکیڈمک، ءُ انسانی حقانی جہدکاراں دمگ ءِ ھرابیں جاوراں گوں تران کنگ ءِ ھاترا یکجاہ بوتگ اَنت۔ آہاں پاکستانی سیکورٹی فورسز ءِ کارروائی ءِ سرا زھر شانی کتگ ءُ نسل کشی ءِ کارروائی لیک اتگ۔

نوٹ کنگ بوتگیں گیشتریں رجحانانی تہا گوستگیں ماہانی تہا زوراکی ءَ بیگواہ کنگ ءُُ غیر عدالت ءِ کشگ ءِ تہا تیزی ءَ گوں گیشی بوتگ۔

گشتانک دیوکاں برطانیہ ءِ حکومت ءِ سرا زور پر دات کہ آ وتی سفارتی اثر ءُ رسوخ ءَ کارمرز بہ کنت ءُ بلوچستان ءَ مداخلت بہ کنت ءُ گیشیں جانی تاوان ءِ دیم ءَ بہ دار ایت۔ ایشاں ھمے لوٹ کتگ کہ برطانیہ ءِ سرکار چہ اقوام متحدہ ءِ راستی ءِ شوھازگ ءِ ماموریت ءِ جوڑ کنگ ءِ ھکل ءَ بہ کنت کہ آ دمگ ءَ انسانی ھکانی جیڑھ ءِ شدت ءِ پٹ ءُ پول ءَ بہ کنت۔

دیوان ءِ تہ ءَ ھاسیں مردمانی تہ ءَ عائشہ صدیقہ، لخومل لوہانا، نغمہ اقتدار، نصیر دشتی، فہیم بلوچ، ءُ قمبر ملک ھوار اتنت کہ آ درستاں وتی زانت ءُ زانشت ءُ زاتی ھیال ءُ لیکہ ءِ بابت ءَ برجاھیں خلاف ورزی ءِ بابت ءَ شیئر کتگ ات۔

مچی ءَ بلوچستان ءِ مہلوک ءِ دیم ءَ انصاف ءُُ احتساب آرگ ءِ ھاتر ءَ زوتیں میاں اوستمانی دلگوشی ءِ ضلورت ءِ سرا زور پر دات۔

بلوچستان ءَ انسانی حقانی لگتمالی یک دہائیاں چہ یک مدام ءُ ھاسیں جیڑھے بوتگ۔ پاکستان ءِ بلوچستان ءِ نسلی بلوچ مردماں دیر اِنت کہ ریاست ءَ را نظامی تبعیض، حاشیہ ءِ سرا کشگ ءُ سیاسی وت واجہی ءِ رد کنگ ءِ الزام جتگ۔

پاکستانی سرکار ءِ سرا بلوچ راجدوستیں جنبشانی زوراکی ءِ سرا ایراد گرگ بوتگ، ایشی ءِ تہا چہ عدالت ءَ دریں کشتار، زوراکی ءَ بیگواہ کنگ ءُ جھدکار، اھوالکار ءُ لس مردمانی ٹارچر ءِ ھال شنگ بوتگ۔

اے زوراکیانی تہ ءَ پاکستانی لشکر، انٹیلی جنس ایجنسی ءُ نیم فوجی لشکر ھوار بوتگ اَنت ءُ باز براں انسداد شورش ءِ کارروائیانی آڑ ءَ بلوچ ناشرکار ءُ آجوئی دوستیں گلاں نشانگ جوڑ کنگ ءَ اَنت۔

بلوچستان چہ زوراکی ءَ ابید چہ وتی طبیعی وسیلگاں چوشکہ تیل، گیس ءُ معدنیات ءَ ابید ھم چہ اقتصادی دیمروئی ءَ مزنیں کچے ءَ نادراھی ءِ آماچ اِنت۔ اے معاشی نابرابریاں گوں وانگ ءُ زانگ، جان سلامتی ءُ بنیاتی ڈھانچہ ءِ کمیں دسترس ءَ بلوچ راج ءِ تہ ءَ گیش بوھوکیں نا رضایتی ءِ سبب جوڑ بوتگ۔ (اے این آئی)