بی ایل اے ءَ 9 اُرشانی ذمہ واری زرتگ؛ شش سرباز کشغ

کوئٹہ (پاکستان ءِ قبضہ چیر ءَ بلوچستان)، 24 دسمبر (بلوچ لبریشن آرمی) ءَ مرچی شپ بلوچستان ءَ قبضہ گیریں پاکستان آرمی ءُ آئی ءِ اثاثہانی سرا 9 جتا جتائیں اُرش کتگ ءُ بلوچستان ءَ 6 فوجی ءُ 2 مخبر بیران کتگ ءُ ٹپی کنگ ءَ انت۔

بلوچ لبریشن آرمی ءِ سرمچاراں دشت، زاموران، کوئٹہ، مشکے، پنجگور، کلات ءُ ٹمپ ءَ 9 جتا جتائیں اُرشانی وھد ءَ پاکستانی لشکر، گیس پائپ لائن، ریلوے ٹریک، ایجنٹ، ءُ معدنیات ءِ ٹرانسپورٹ کنوکیں گاڑی نشانگ جوڑ کتگ ءُ دژمن ءَ را سک باز تاوان داتگ، آئی ءِ جیئند بلوچ ءَ این وی آئی ءَ را داتگیں بیانے ءِ تہ ءَ گْوشتگ۔

آئی ءَ گْوشتگ کہ مرچی بلوچ لبریشن آرمی ءِ سرمچاراں کیچ ءِ دشت، زرن بگ ءِ دمگ ءَ ریموٹ کنٹرول ءِ آئی ای ڈی ءِ کارمرد کنگ ءَ پاکستانی لشکر ءِ کاروان نشانگ جوڑ کتگ۔

آئی ءَ گْوشتگ کہ ایشی ءِ آسر ءَ دژمن ءِ لشکر ءِ 4 کارندہ ھلاس کنگ بوتگ اَنت ءُ 4 سک ٹپیگ بوتگ اَنت ءُ یک گاڑی یے تباہ بوتگ۔

ترجمان ءِ جارکش ءَ گشتگ کہ فوج ءِ کاروان ءِ نیمگ ءَ چہ نادریں جنگلی جانور ءِ شکار ءِ ھاتر ءَ بلوچستان ءَ آیوکیں درملکی سیل ءُ سواد کنوک آناں سیکورٹی دیگ بوھگ ءَ انت۔

آئی ءَ گْوشتگ کہ بلوچ لبریشن آرمی دری سیل ءُ سواد کنوکاں بیھار دنت کہ بلوچستان جنگی جاورانی تہ ءَ اِنت ۔

بلوچ ءَ گْوشتگ:ھما دمگاں کہ پاکستانی لشکر شکار ءِ ھاترا زرّ ءِ ھاترا سیل ءُ سواد کنوک آرگ ءَ اِنت، نادریں جنگلی زندمان ءِ رکھینگ ءِ ھاترا شکار ءِ سر ءَ بندش جنگ بیتگ۔

جارکش ءَ ھشدار داتگ کہ ھرکس اے رد ءَ لگتمال بہ کنت آ بلوچ سرمچارانی نیمگ ءَ پہ زور مدار کنگ بیت ءُ چہ اے جنگی دمگاں درکنگ بیت۔

آئی ءَ گْوشتگ کہ بی ایل اے ءِ جنگولاں زانت ءُ سرپدی ءَ گْوشگ بوتگیں کاروان ءِ تہ ءَ درملکی سیل ءُ سواد ءِ گاڑی نشانگ نہ کتگ اَنت بلکیں دژمن ءِ لشکر ءِ گاڑی ءِ سر ءَ اُرش کتگ کہ ”اے سیل ءُ سواد کنوکاں ھال ءُ اھوال ءِ بستار ءَ“ کار بہ کنت۔

آئی ءَ گوشت کہ گوستگیں روچ ءَ زموران ءِ پگمزان ءِ دمگ ءَ بی ایل اے ءِ جنگولاں پاکستانی لشکر ءِ پیادگ گشت ءَ را ریموٹ کنٹرول آئی ای ڈی ءَ گوں نشانگ جوڑ کتگ۔

ترجمان ءَ گیش کرتگ کہ دژمن ءِ دو لشکر ءِ کارندہ جاہ ءِ سر ءَ ھلاس کنگ بوتگ اَنت ءُ یکے ٹپیگ بوتگ۔

آئی ءَ گوشت کہ گوستگیں روچ ءَ دگہ اُرشے ءَ کوئٹہ ءِ قمبرانی روڈ ءَ بمبتراک ءِ تہ ءَ پولیس ءِ گاڑی نشانگ جوڑ کنگ بوتگ ءُُ پولیس ءِ کارندہ آناں تاوان ءُُ مال ءُُ مڈی ءِ تاوان بوتگ۔

کوئٹہ ءَ گوستگیں شپ ءَ سریاب روڈ ءِ نزیک ءَ تراکناکیں چیز ایر کنگ ءَ ریل ءِ پٹری تباہ کنگ بوتگ۔

مرچی شام ءَ دگہ آپریشن ءِ تہ ءَ جنگولاں مغربی بائی پاس ءِ سر ءَ گیس ءِ پائپ لائن ھلاس کتگ۔

بلوچ لبریشن آرمی ءِ سرمچاراں دوشمبے ءِ روچ ءَ مشکے ءَ کپور ءُ لکھی ءِ میان ءَ آئی ای ڈی ءِ اُرش ءَ استحصالی تعمیراتی کمپنی ءِ گاڑی نشانگ جوڑ کتگ ءُ ایشی ءِ آسر ءَ سرمچار ءَ را سک باز تاوان رستگ۔

دومی نیمگ ءَ ترجمان ءَ گْوشتگ کہ دوشمبے ءِ روچ ءَ بی ایل اے ءِ سرمچاراں پنجگور ءِ قلم چوک ءِ نزیک ءَ پاکستانی لشکر ءِ فعالیں ایجنٹ شمن علی بے اثر کتگ۔

آئی ءَ گْوشتگ کہ گْوشگ بوتگیں ایجنٹ ءَ وتی دروشم بدل کتگ ءُ پنجگور شھر ءِ جتا جتائیں جاھاں دژمن ءِ لشکر ءِ واستہ ھال ءُ اھوال کنگ ءَ بوتگ۔

دوشمبے ءِ شپ ءَ یک دگہ کارروائی یے ءَ بلوچ لبریشن آرمی ءِ سرمچاراں کلات شھر ءَ دژمن ءِ لشکر ءِ یک دیوانگ ءِ دروشم ءَ ایجنٹے بے اثر کتگ۔

اے ایجنٹ گوں قبضہ گیریں لشکر ءِ فوجی انٹیلی جنس (ایم آئی) ءَ ھمگرنچ بوتگ ءُ لشکر ءِ ھمراھی ءَ رھادگ بوھگ ءَ گندگ بوتگ۔

دو شمبے ءِ روچ ءَ دگہ آپریشن ءِ تہ ءَ بی ایل اے ءِ جنگولاں کیچ ءِ دمگ ٹمپ ءِ سیریناکان تگران آباد ءَ سئے معدنی برگ ءِ گاڑی نشانگ جوڑ کتگ اَنت۔ آئی ءَ گْوشتگ کہ سرمچاراں گاڑیانی ڈرائیور پہ ھال ءِ رد ءَ یلہ داتگ اَنت۔

آئی ءَ گْوشتگ: سرجمیں اُرشانی زمہ واری ءَ بلوچ لبریشن آرمی منّ اِیت۔