کوئٹہ (پاکستان ءِ قبضہ ءِ چیر ءَ بلوچستان)، 17 دسمبر (بلوچ لبریشن آرمی) ءَ گوستگیں دو روچانی تہ ءَ بلوچستان ءَ بازیں اُرشانی تہ ءَ قبضہ گیریں پاکستان ءِ لشکر ءِ 4 کارندہ کشگ ءُ 7 ٹپیگ کنگ ءِ دعویٰ کتگ۔
بی ایل اے ءِ جارکش جیند بلوچ ءَ وتی بیان ءَ گْوشتگ کہ یک وئیلے ءِ تہ ءَ بی ایل اے ءِ سرمچاراں گوستگیں روچ ءِ سہب ءَ کیچ ضلع ءِ دشت ءِ دمگ جات بازار ءَ آئی ای ڈی ءِ تراک کنان ءَ قبضہ گیریں پاکستانی لشکر ءِ موٹر سائیکل ءِ سر ءَ سواریں کارندہ نشانگ جوڑ کتگ اَنت۔
آئی ءَ گْوشتگ کہ تراک ءِ تہ ءَ دوئیں کارندہ جاہ ءِ سر ءَ بیران بوتگ اَنت ءُ آیانی موٹر سائیکل تباہ بوتگ۔
جارکش ءَ گشتگ کہ بی ایل اے ءِ سرمچاراں گوستگیں شپ ءَ میر آباد ءِ شہر ٹمپ ءَ پاکستانی قبضہ گیریں فوج ءِ پوسٹ ءِ سرا ہم نوکیں سلاہاں گوں اُرش کتگ۔
جیئند بلوچ ءَ گْوشتگ کہ اے وھد ءَ راکٹ ءُ دستی بم ءِ چیر ءَ چہ دژمن ءِ لشکر ءِ پوزیشنانی سر ءَ بازیں گولہ باری کنگ بیتگ۔
آئی ءَ گْوشتگ کہ اے اُرش ءَ قبضہ گیریں لشکر ءِ کم چہ کم دو کارندہ جاہ ءِ سر ءَ بیران ءُ چار ٹپیگ بوتگ اَنت۔
ترجمان ءَ گشتگ کہ ایشی ءَ چہ پیسر 15 ءُ 16 دسمبر ءِ شپ ءَ پنجگور ضلع گڈگی بازار ءِ دمگ ءَ آپ ءِ رسگ ءِ نقطہ ءَ بی ایل اے ءِ سرمچاراں قبضہ گیریں پاکستانی فوج ءِ سیکورٹی پوسٹ نشانگ جوڑ کتگ انت۔
آئی ءَ گْوشتگ کہ سرمچاراں گوں آٹومیٹک سلاہاں دژمن ءِ لشکر ءِ سر ءَ اُرش کتگ ءُ دستی بم ءِ کارمرد کنگ ءَ بازیں تیر گواری کتگ ءُ ایشی ءِ آسر ءَ کم چہ کم سئے کارندہ ٹپیگ بوتگ اَنت۔
جارکش ءَ گْوشتگ کہ گْوستگیں روچ ءَ ڈکی ءِ ھند رباط ءَ بلوچ راجی مڈیانی لُٹ ءُ پُل ءَ ھواریں یک ٹرکے ھم بی ایل اے ءِ سرمچاراں نشانگ جوڑ کتگ ءُ ھلاس کتگ۔
آئی ءَ گوشت کہ گوستگیں شپ ءَ ڈکی ءِ دمگ رباط ءَ یک کمیونیکیشن ٹاور ءِ مشینری ھم تباہ بوتگ۔ (این وی آئی)