دہکانی بے باوری ءَ پد بلوچ جنگولی ءِ ھلاپ ءَ ایران ءُ پاکستان یکجاھ بنت

دہکانی بے باوری ءَ پد بلوچ جنگولی ءِ ھلاپ ءَ ایران ءُ پاکستان یکجاھ بنت
ایران ءُ پاکستان جنوری ءَ چہ سرحد ءِ سرا مہلکیں اُرشانی تبادلہ ءَ پد سرجمیں جنگ ءِ کش ءَ اتنت۔

بے مثالیں شعلہ ور ءَ ہمساہگ ءِ نیام ءَ سرحد ءِ سرا جنگولی ءِ سرا دیریں تنازعہ ءِ دوبارہ شنگ ءُ تالان کت۔ دہائیاں چہ اے ملکاں یکے دومی ءِ سرا اُرش کنوکیں سلاہ بندیں گلانی پناہ گاہ ءِ الزام جتگ۔
نوں ایران ءُ ایٹمی سلاہ بندیں پاکستان وتی ھمکاری ءَ گیش کنگ ءَ گندگ ءَ کاینت کہ آ وتی یکجاھیں 900 کلومیٹر ءِ دراجیں سیمسر ءِ سر ءَ کار کنوکیں بلوچ جدائی طلب ءُ جنگولیں گلانی نیمگ ءَ چہ گیش بوھوکیں اُرشانی گر ءُ دار ءِ جھد ءَ کنگ ءَ اَنت۔

جنیوا گریجویٹ انسٹی ٹیوٹ ءِ سینئر ریسرچ ایسوسی ایٹ فرزن سابت ءَ گْوشتگ: دوئیں نیمگاں وتی سیادی ءِ تہ ءَ یک گوشے ءِ دیم ءَ شُتگ۔

جولائی ءَ اسلام آباد ءَ بلوچ جدائی طلبیں جنگولی گل جیش العدل ءِ یک مبینہ باسکے ایران ءِ دست ءَ داتگ کہ گمان اِنت کہ آ پاکستان ءَ چہ در کار کنگ ءَ اِنت۔ ایشی ءِ بدل ءَ ایران ءَ پاکستانی بلوچ جدائی طلبیں مردمے اسلام آباد ءَ دیم دات۔

نومبر ءِ بندات ءَ جیش العدل ءَ دعویٰ کتگ کہ ایران ءُ پاکستان ءِ یکجائی آپریشن ءِ تہا آئی ءِ 12 جنگول بیران بوتگ انت۔ تہران ءَ اے اُرش ءِ توسیپ کتگ بلے گْوشتگ کہ اے اُرش ایوک ءَ پاکستانی لشکر ءَ کتگ۔

عدم استحکام ئے وسیلہ

ایران ءِ جنوب مشرقی استان سیستان بلوچستان ءُ پاکستان ءِ جنوب مغربی صوبہ بلوچستان ءَ دہائیاں چہ شورش ءِ جاہ بوتگ۔

وسیع ءُ گریبیں استان بلوچ ءِ نندوک انت کہ ایران ءُ پاکستان ءِ اقلیت انت۔ بلوچ ماں دوئیں ملکاں دیر اِنت کہ چہ واکدارانی دست ءَ تبعیض ءُ زوراکی ءِ آماچ اِنت کہ آ دمگ ءِ طبیعی منابعانی استحصال ءِ الزام ءَ جن اَنت۔

اگست ءَ بلوچستان ءِ صوبہ بولان ءِ دمگ کولپور ءَ جدائی طلبیں جنگولانی سبب ءَ بوتگیں تراک ءَ پد سھب ءَ ریلوے ءِ پُل ءِ نزیک ءَ ھرابیں گاڑی ءِ کش ءَ نندوکیں مردم اوشتاتگ اَنت۔
اگست ءَ بلوچستان ءِ صوبہ بولان ءِ دمگ کولپور ءَ جدائی طلبیں جنگولانی سبب ءَ بوتگیں تراک ءَ پد سھب ءَ ریلوے ءِ پُل ءِ نزیک ءَ ھرابیں گاڑی ءِ کش ءَ نندوکیں مردم اوشتاتگ اَنت۔
جیش العدل ءُ پاکستان ءِ مستریں بلوچ سلاہ بندیں گل بلوچ لبریشن آرمی گوستگیں سالاں گیش ءَ چہ گیش زوراکیں جنگی لشکر جوڑ بوتگ انت۔

اے گلاں گیشتر مہلکیں پندل زرتگ انت کہ آہانی تہا وت کُش بمبتراک ہم ہوار انت ءُ وتی بھرتی ءَ را گیش کتگ۔ تہران ءُ اسلام آباد ءِ سرا گیش بوھوکیں دمگی زھر ءَ ھم کارمرز کتگ ءُ گیشتر نفیسیں سلاہ زرتگ اَنت۔

بی ایل اے ءَ 9 نومبر ءَ بلوچستان ءِ ٹرین اسٹیشن ءَ سرمچاراں نشانگ جوڑ کتگیں وت کُش بمبتراک ءِ ذمہ واری زرتگ کہ ایشی ءِ تہ ءَ کم چہ کم 26 مردم بیران بوتگ اَنت۔

اکتوبر ءَ جیش العدل ءَ ایران ءِ سیستان بلوچستان ءَ پولیس ءِ گشت ءِ سر ءَ اُرش کتگ ءُ 10 افسر بیران بوتگ اَنت۔

پاکستان ءِ آزاتیں سیکورٹی کارشناس عزیز بلوچ ءِ گشگ اِنت کہ تہران ءُ اسلام آباد ”اولی رند ءَ سیکورٹی ءُ سیمسر ءِ بندوبست ءِ بابت ءَ ھمگرنچ ءُ ھمکاری کنگ ءَ اَنت“۔

بلوچ ءَ گْوشتگ کہ بلوچ سلاہ بندیں گل “دوئیں ملکانی تہ ءَ اندری بے رھبندی ءِ مستریں وسیلہ جوڑ بوتگ اَنت” ءُ ایران ءُ پاکستان ءَ “اے گپ سرپد بوتگ اَنت کہ اگاں ھمکاری ءِ وسیلگ ءَ اے جاور ھال ءِ دیم ءَ رھادگ کنگ مہ بیت گڑا آ گیش بوھوکیں تاوان ءِ آماچ بنت۔”

اوگانستان ءُ پاکستان ءِ جنگولی گلانی پٹ ءُ پول کنوکیں ویب سائٹ خراسان ڈائری ءِ ھاتر ءَ بلوچستان ءِ کوریج کنوکیں زانتکار امتیاز بلوچ ءِ گشگ اِنت کہ ایران ءُ پاکستان ءِ نیام ءَ ھمکاری چہ ھما کہ سرکاری رنگ ءَ منگ بیت گیشتر گہتر اِنت۔

آئی ءَ گوشت کہ دوئیں ملک آنی نیام ءَ ھمکاری گیش بوھگ ءَ اِنت ءُُ رفتار گیش بوھگ ءَ اِنت۔

اقتصادی ترغیبات

ماہرین ءِ گشگ انت کہ پاکستان ءُ ایران – کہ آ دوئیں اقتصادی بحراناں گوں دیم پہ دیم انت – ہمکاری ءِ گیش کنگ ءُ سرحد ءِ سرا جنگولی ءِ دیم ءَ دارگ ءِ ھاترا مالی ترغیب ہم است انت۔

پاکستان ءِ بالی اُرش جنوری ءَ دوئیں ملکانی سیمسر ءِ نزیک ءَ ایران ءِ صوبہ سیستان ءُ بلوچستان ءَ جتگ۔
پاکستان ءِ بلوچستان یک منابع ءِ وسیلہ ءَ چہ مالا مالیں استانے کہ ایشی ءِ تہا چین ءِ کمک ءَ چہ درجناں ارباں ڈالر ءِ دیمروئی منصوبہ است انت۔

جنگولاں اے سال ءَ پاکستان ءَ کم چہ کم 7 چینی کارمند کش اِتگ ءُ 60 ارب ڈالر ءِ چین ءُ پاکستان ءِ اقتصادی راہداری ءَ را ریل ءَ چہ کشگ ءِ دھمکی داتگ۔

اے درگت ءَ بیجنگ ایران ءِ نفت ءِ مستریں درآمد کنوک ءُ وتی آزاتیں معیشت ءِ تہ ءَ سروکیں سرمایہ کار اِنت۔ سیستان بلوچستان ءِ بندر چابهار ہمساہگیں اوگانستان ءَ درآمد ءُُ برآمد ءِ ھاتر ءَ یک کلیدی مرکز ءِ انت۔

جنیوا گریجویٹ انسٹی ٹیوٹ ءِ سابت ءَ گشتگ کہ ایران ءُ پاکستان ءِ بلوچ دمگاں چہ درکپوکیں سیکورٹی ءِ خطرہ ءُ آہانی جیو اکنامک اهمیت ءَ دوئیں ملکانی دیمروئی منصوبہانی تہا وتی جاہ ءَ مزن کتگ۔

آئی ءَ گْوشتگ: اے گپ ءَ چہ دوئیں سرکاراں اودا زوراکی ءِ ھلاس کنگ ءِ جھد بندات کتگ۔

ابوبکر صدیق .
ابوبکر صدیق ، آزادی ءِ ریڈیو آزادی ءِ صحافی ، اوگانستان ءُ پاکستان ءِ کوریج ءِ تہا مہارت داریت۔ آ کتاب ”پشتون جُست: پاکستان ءُ اوگانستان ءِ آیوکیں وھد ءِ گیش ءُ گیوار نہ بوتگیں کلید“ ءِ نبشتہ کار اِنت۔ آ ’’آزادی بریفنگ‘‘ ھم نبشتہ کنت کہ ھپتگی ھال شنگ اِنت کہ اوگانستان ءِ مستریں جیڑھاں پچ کنت۔

Dahkáni bé báwari á pad balóch jangóli ay haláp á érán o pákastán yakjáh bant