کلات ءَ گوستگیں شپ ءَ بی ایل اے ءِ جنگولاں سیکورٹی فورسز ءِ پوسٹ ءُ سرکاری ماڑیانی سر ءَ اُرش کتگ

کلات ءَ گوستگیں شپ ءَ بی ایل اے ءِ جنگولاں سیکورٹی فورسز ءِ پوسٹ ءُ سرکاری ماڑیانی سر ءَ اُرش کتگ ءُ یک پرائیویٹ بینک ءِ سر ءَ ھم آتش زنی کنگ بوتگ۔

تفصیلات ءِ رد ءَ کوئٹہ ءُ کراچی شاہراہ ءِ بند کنگ ءُ گاڑیانی سرا تیر گواری ءِ سبب ءَ سلاہ بندیں مردمانی بیرانی ءِ ھال شنگ بوتگ۔*

حکام ءِ گشگ ءِ رد ءَ جمعہ ءُ شمبے ءِ میانجی ءَ کوئٹہ ءَ چہ 110 کلومیٹر دور قلات ءِ تحصیل منگچار ءَ چہ نزیکیں کوہاں چہ سیکورٹی فورسز ءِ کیمپ ءُ پوسٹانی سر ءَ درجناں سلاہ بندیں مردماں تیرگواری کتگ ءُ راکٹ ءِ گولہ ھم داتگ اَنت۔*

ڈپٹی کمشنر کلات بلال شبیر ءَ اے اُرش ءِ پدرائی کتگ ءُ گْوشتگ کہ ‘سیکورٹی فورسز ءُ ناشرکارانی نیام ءَ تیرگواری بازیں وھدے ءَ برجاہ بوتگ۔ اے وھد ءَ کوئٹہ ءُ کراچی شاہراہ ءِ سرا ٹریفک ءِ سرا تاوان بوتگ۔‘ بلے آئی ءَ گیشیں ھال ءُ اھوال نہ داتگ۔ کلات لیویز ءِ یک افسرے ءَ وتی نام ءِ شنگ کنگ ءِ شرط ءَ گْوشتگ کہ ’’حملہ آور درجناں بوتگ اَنت ءُ آ کلاشنکوف، راکٹ لانچر ءُ دگہ سلاہاں گوں سلاہ بند بوتگ اَنت۔‘‘

کوئٹہ ءَ چہ کراچی ءَ ہمگرنچیں نیشنل ہائی وے آہاں کم چہ کم دو جاہ ءَ بند کتگ۔

لیویز ءِ یک افسرے ءِ گشگ ءِ رد ءَ خازینی ءَ ناکہ بندی ءِ وھد ءَ سلاہ بندیں مردماں سڑک ءِ سرا گوزوکیں ہائیس وین ءِ سر ءَ بے رھبندیں تیرگواری کتگ ءُ سواریں بازیں مردم بیران بوتگ اَنت اگاں چہ کہ تاں انوگ ءَ کس ءَ سرکاری رنگ ءَ اے بیرانی ءِ پدرائی نہ کتگ۔

تیرگواری ءِ وئیلاں چار مردم ءِ ٹپیگ بوھگ ءِ ھال ھم شنگ بوتگ کہ آھانی تہ ءَ یکے ءِ پجار محمد سدترین اِنت کہ آ پیشین ءِ نندوک اِنت۔ ٹپیگیں مسافر بسے ءَ کوئٹہ ءَ چہ کراچی ءَ روگ ءَ بوتگ۔

لیویز ءِ افسر ءِ رد ءَ سلاہ بندیں مردماں لیویز ءِ گاڑی ءِ سر ءَ ھم تیرگواری کتگ کہ گشت ءَ بوتگ۔

ارش کنوک ءُ سیکورٹی فورسز ءِ نیام ءَ تیر گواری ءِ سبب ءَ کوئٹہ ءُ کراچی شاہراہ شپ ءِ نزیک ءَ 10 بج ءَ بگر داں بیگاہ ءَ بند کنگ بوتگ۔*

*کلات ءُ مستونگ ءِ ضلعی انتظامیہ ءَ پہ احتیاط ءَ جتا جتائیں جاہاں شاہراہ بند کتگ ءُ مسافر بساں ھوار دگہ گاڑیانی سفر کنگ ءَ چہ رکینتگ۔*

*کلاٹ لیویز کنٹرول ءِ رِد ءَ کوئٹہ ءُ کراچی شاہ راہ سہب ءَ پد پہ تر ءُ تاب ءَ پچ کنگ بوتگ ءُ مسافر بس ءُ گاڑی وتی منزلاں رھادگ بوتگ اَنت۔*

*لیویز ءِ رد ءَ سلاہبنداں منگچار بازار ءَ پرائیویٹ بانک ھم آتش کُرتگ۔*

*چہ ایشی ءَ پیسر فرنٹیئر کور ءِ وسیلگاں دعویٰ کتگ کہ آیاں اے اُرش ناکام کتگ ءُ دو ناشرکار کش اِتگ اَنت۔*

*بلوچستان ءَ گْوستگیں ماھانی تہ ءَ بلوچ سلاھبندانی نیمگ ءَ چشیں اُرش گیش بوتگ اَنت۔

*گْوستگیں سال ءِ 26 اگست ءِ شپ ءَ جنگولاں کلات، مستونگ، مساخیل ءُ بولان ءَ راجی شاہراہ بند کتگ ءُ مسافر بس ءُ گاڑی پٹ ءُ پول کتگ اَنت، ھمے وھد ءَ سیکورٹی فورسز ءِ پوسٹ، لیویز پولیس اسٹیشن ءُ دگہ سرکاری ءُ نجی ماڑیانی سر ءَ اُرش کنگ بوتگ کہ ایشی ءِ آسر ءَ مردم بیران بوتگ اَنت چہ 40 ءَ گیش مردمانی سرا بوتگ۔

*ھمے رنگ ءَ گوستگیں ماہ ءَ ضلع خضدار ءِ تحصیل زہری ءَ درجناں سلاہ بندیں مردماں لیویز پولیس اسٹیشن ءُ نادرا ءِ کارگساں ھوار بازیں سرکاری ماڑیانی سر ءَ اُرش کتگ ءُ آتش کتگ ءُ چہ کارندہاں سلاہ چست کنگ ءَ پد شُتگ اَنت۔*