کم چہ کم حاضری شهروند بلوچ ماں “یوسف گورگیج” ءِ جنازہ ءَ—یک شخصیتے کہ گوں حکومت ءَ نزیک اِنت—بلوچستان ءِ دارالحکومت زاهدان ءَ؛ قوت فوجی ءُ ریاستی ادارہانی گوں وابستہ مردمانی سنگینیں ھست بوھگ ءِ سبب ءَ بوتگ۔
بلوچ میڈیا رسانکدر ءِ ھالانی رد ءَ “یوسف گورگیج” (کہ مولوی یوسف انگلیبی ءِ نام ءَ زانگ بیت) ءِ جنازہ مرچی دوشمبے 15 ستمبر ءِ شپ ءَ زاھدان ءَ سلاہ بندیں مردمانی دست ءَ بیران بوتگ۔
مراگش ءَ چہ شنگ بوتگیں ویڈیو ءَ چہ پدر اِنت کہ ھواریں مردمانی تہ ءَ گیشتریں بھر فوجی کارندہ، بسیج ءِ باسک ءُ سرکاری ءُ سیکورٹی ادارگاں گوں سیادی داروکیں مردم ھوار اَنت۔ اے رد ءَ بلوچ شہری ءِ ھوار بوھگ سک کم بوتگ ءُ شنگ بوتگیں عکسانی تہا سک کمیں عام مردم گندگ بوتگ انت۔
اے درگت ءَ گارڈ اسلامی ءَ وعدہ کتگ کہ آ یوسف گورگیج ءِ بیرانی ءِ بدلہ ءَ چہ زالماں بدلہ زوریت۔
گورگیج ءَ ریاستی کمک ءَ بوتگیں مراگشاں بہر زرتگ ات -بشمول گوستگیں سالانی 11 فروری (22 بہمان) ءِ جلسہ – ءُ وتی گشتانک ءُ راجمانی موقفاں مدام اسلامی جمہوریہ ءِ پالیسیانی حمایت کتگ ات۔ آئی ءَ ھم بلوچ ءُ اهل سنت ءِ شھروند ءِ زھرشانی ءُ لوٹانی بابت ءَ گوں سرکاری ریاستی روایت ءَ ھمگرنچیں موقف زرتگ اتنت؛ اے موقف ءَ چہ بلوچ راج ءَ آئی ءَ را یک انفرادی یے ءِ رنگ ءَ چار اِت کہ آ گوں سرکاری ءُ سیکورٹی ادارہاں نزیک اِنت۔
آئی ءِ بیرانی ءَ پیسر آئی ءِ گڈی رسانکدر ءِ دیم ءَ آیگ 14 ستمبر یک شمبے ءِ روچ ءَ سراوان ءِ ضلع بخشان ءَ درگیری ءَ بیران بوتگیں سیکورٹی کارندہانی جنازہ ءِ مراگش ءَ بوتگ کہ اودا آئی ءَ ار جی سی ءَ گوں سیادی داروکیں رسانکدراں انٹرویو داتگ۔
دوشمبے ءِ روچ ءَ 15 ستمبر ءِ شپ ءَ زاهدان ءَ آئی ءِ لوگ ءِ دیم ءَ سلاہ بندیں مردماں آئی ءِ سر ءَ تیرگواری کتگ ءُ آئی ءَ تیر ءِ لگگ ءَ پد وتی جان ندر کتگ۔ تیرگواری ءِ ساھت ءِ گرگ ءِ سی سی ٹی وی فوٹیج ھم پیسر ءَ سرکاری رسانکدر ءَ شنگ کتگ اَنت۔