سنگاپور ءِ میان استمانی دزبندیانی باوجود ایران ءُ سنگاپور ءِ دوئیں راجی اعدام کنگ بوتگ

سنگاپور ءِ میان استمانی دزبندیانی باوجود ایران ءُ سنگاپور ءِ دوئیں راجی اعدام کنگ بوتگ

سنگاپور ءِ واکداراں سنگاپور ءُ ایران ءِ دوئیں راج دپتر ءِ مردمے ءَ را منشیات ءِ ھوالگ ءَ اعدام کتگ ءُ اے گپ ءِ باوجود چہ میان استمانی لوٹاں کہ اے کارروائی ءِ بند کنگ بہ بیت۔

ناروے ءِ ایران ءِ انسانی حقانی گل ءِ کارمستر محمود امیری مغدام ءَ گْوشتگ: متاسفانہ ایران ءُ سنگاپور ءِ شھروند مسعود رحیمی مرچی سھب ءَ سنگاپور ءَ چہ 32 گرام ءَ کمتریں ڈائمورفین ءِ دارگ ءُ سوداگری ءِ سبب ءَ اعدام کنگ بوتگ۔

”مسعود ءَ وتی پت ءِ گڈی رند ءَ گندگ ءُ وش آتک کنگ ءِ موہ نہ رست۔ اعدام یک غیر انسانی، زالم ءُ ذلت آمیزیں سزا یے کہ ہر جاہ ءَ مذمت کنگ بہ بیت۔

سنگاپور ءُ میان استمانی تک ءَ بازیں مردم ءُ انسانی ھکانی گلاں مسعود ءِ جان ءِ رکّینگ ءِ ھاترا کار کتگ ات۔”

سالی مسعود رحیمی مہرزاد 20 مئی 2010 ءَ منشیات ءِ ھواریں جرم ءِ سبب ءَ دزگیر کنگ بوتگ ءُ پد ءَ آئی ءَ را اعدام ءِ سزا دیگ بوتگ۔

مسعود کہ سنگاپور ءَ چہ ایرانی پت ءُ سنگاپور ءِ مات ءَ ودی بوتگ، مسعود ءَ وتی مات ءُ پت ءِ طلاق ءَ پد وتی پت ءَ کسانیں چُکے ءِ بستار ءَ ایران ءَ برتگ۔

آئی ءَ وتی بنداتی وانگ ءُ زانگ ایران ءَ سرجم کتگ ءُ پدا گوں وتی ھاندان ءَ دبئی ءَ شتگ ءُ اودا آئی ءَ میان اُستمانی وانگجاہ شتگ۔

سال ءِ عمر ءَ آ وتی لازمی نیشنل سروس ءِ پیلو کنگ ءِ ھاترا سنگاپور ءَ واتر بوت ، آئی ءِ پت ءِ جہد ءِ باوجود کہ آ اے سروس ءَ مہتل بہ کنت داں کہ آ مزن ءُُ ٹرانزیشن ءِ ھاترا شرتریں وڑے ءَ لیس بہ بیت۔

جمہوریہ اسلامی ءِ خارجہ ءِ وزیر ءَ جمعہ ءِ روچ ءَ وتی سنگاپور ءِ ہم منصب ءَ چہ لوٹ کتگ کہ آ سنگاپور ءُ ایران ءِ دوئیں شہری مسعود رحیمی ءِ اعدام ءِ سرا دوبر ھیال ءُ لیکہ بہ کنت۔

عباس اراگچی ءَ اے پیغام ویوین بالاکرشنان ءَ سر کتگ ءُ گْوشتگ: اسلامی جمھوریہ ایران سنگاپور ءِ کانودانی احترام ءَ کنت بلے انسانی بنیاد ءَ مسعود رحیمی ءِ اعدام ءِ سر ءَ پدا ھیال ءُ لیکہ کنگ ءِ لوٹ کنت۔

پنچ شمبے ءِ روچ ءَ ایران ءِ نامداریں انسانی حقانی وکیل نسرین سوتودہ ءَ چہ سنگاپور ءِ صدر ءَ دزبندی کتگ کہ آ مداخلت بہ کنت ءُ اعدام ءِ دیم ءَ بہ دار ایت۔

سوتودہ ءَ یک نمدی یے ءِ تہا صدر تھرمن شانموگراتنم ءَ را دزبندی کتگ کہ آ وتی آئینی اختیاراتاں کارمرز بہ کنت ءُُ اعدام ءِ بند کنگ ءَ بہ کنت “چہ ہر وڑیں وسیلہ ءَ کہ شما لیک اِت”۔