تجاوز ءِ کیس سرکار ءِ نیمگ ءَ بلوچستان ءَ ایران ءِ تہ ءَ جنجال ءِ آماچ بوتگ اَنت
ایران ءِ دادستان جنرل محمد جعفر منتزیری ءَ 18 جون ءَ سیستان و بلوچستان ءِ جنوب مشرقی استان ءِ شہر ایرانشهر ءِ یک دمگی امام اهل سنت ءِ سرا چہ اے گپ ءِ پدر کنگ ءَ کہ آ شہر ءَ 41 جنک ءِ سرا تجاوز کنگ بوتگ ، دھمکی داتگ۔
مولوی طیب ملا زهی ءِ 15 جون جمعہ ءِ روچ ءَ تجاوز ءِ کیسانی شنگ کنگ ءَ اهل سنت ءِ آبادی ءِ استان ءَ جنجال پیداک کتگ ءُ جمہوریہ اسلامی ءِ قضائی کارندہ دفاعی ءِ سرا ایر کتگ انت۔
مسئولین تجاوز ءِ کیسانی منگ ءَ چہ نفرت کن اَنت پرچا کہ آ اے گپ ءِ سرا جیڑگ ءَ اَنت کہ اے مذہبی ریاست ءِ نیمگ ءَ اخلاقیات ءِ مزنیں معیار ءِ دعویٰ ءَ را ھراب کن اَنت۔
بوت کنت کہ اے سبب اِنت کہ پراسیکیوٹر جنرل مونتازیری ءَ تجاوزات ءِ بابت ءَ دمگی امام ءِ گپ رد کتگ ءُ دھمکی داتگ کہ اگاں آ وتی گپانی ثابت کنگ ءَ ناکام بہ بیت گڑا آئی ءِ سر ءَ کارروائی کنگ بیت ءُ گیش کرتگ کہ “خاندانی عزت ءِ زاویہ ءِ گوں جرم ءِ بابت ءَ ھال رازداری ءَ بہ بنت”۔ ایران ءِ بازیں ادارہاں منتظری ءِ گپ نقل کتگ انت۔
مونتازیری اے کیس ءِ سنگینی ءَ کم کنگ ءَ اِنت ءُ زانت کہ یک بے دروریں روایتی چاگردے ءَ پہ امام ءَ اے گپ گران اِنت کہ آ چہ درستیں زدگیں مردمانی ھانداناں لوٹ اِیت کہ آ اے گپ ءَ منّ اَنت کہ آیانی جنکاں گوں زنا کنگ بوتگ۔ اے شرپ ءِ گپ اِنت ءُ کمیں مردم بوت کنت کہ امام ءِ گپ ءِ حمایت ءَ دیم ءَ بہ کپ اَنت۔
ایرانشهر ءِ دمگی گورنر محمد بلوچ زهی ءِ گشگ ءِ رد ءَ ھاندان ءِ مردم اے بیران بوتگیں مردماں وتی عزت ءِ ”رسوائی“ لیک اَنت ءُ بیران بوتگیں مردم چہ وتی ھاندان ءِ مردماں ھوار دمگی مردماں کُشگ بوت کن اَنت۔ آئی ءَ گوشت کہ اے وڑیں جرم پیسر ءَ ھم دمگ ءَ بوتگ۔
البت آئی ءَ اے گپ ءِ منوگری کتگ کہ بیران بوتگیں مردم بے گناہ اَنت ءُ چہ مزنیں اگدہ داراں لوٹ کتگ کہ آ پہ ھانداناں شور ءُ سلاہ بہ کن اَنت۔
بلوچ زهی ءَ گیش کرتگ کہ اے ھاندانانی تجاوزات ءِ بابت ءَ بے تواری ءِ سبب ءَ زدگیں مردمانی کساس گیش بوتگ۔
اے میان ءَ یک ایران ءِ باسکے ءَ گْوشتگ کہ یکے چہ تجاوزکاراں ”زردار ءُ زوراک“ مردمے ۔
بلے دمگی عدلیہ ءِ کارندہاں گْوشتگ کہ ایشی ءِ تہ ءَ ایوک ءَ سئے جنک ءِ سر ءَ زوراکی کنگ بیتگ ءُ گْوشتگ کہ اے کیس ءِ تہ ءَ چار ملزم ھوار اَنت۔
دادستان محلی ایرانشهر ءَ گشتگ کہ ایوک ءَ سئے ھاندان ءَ شکایت کتگ۔
امام محلی ءَ گْوشتگ کہ تجاوزکار، “یک زرداریں مردے” ءَ “41 تجاوز ءِ اقرار کتگ۔” دومی نیمگ ءَ آئی ءَ چہ بیران بوتگیں مردمانی کھول ءِ مردماں لوٹ کتگ کہ آ دیم ءَ بیا اَنت ءُ تجاوز ءِ کیس ءِ بابت ءَ شکایت بہ کن اَنت۔
آئی ءَ چہ ھاندان ءُ ریاستی واکداراں ھم لوٹ کتگ کہ آ بیران بوتگیں مردمانی رکھینگ ءَ بہ کن اَنت۔
ایرانشهر ءِ رپورٹانی رد ءَ یک شمبے ءِ روچ ءَ مردمانی گلاں دمگی گورنر ءِ کارگس ءِ دیم ءَ زھرشانی کتگ ءُ سرکار ءِ اے کیس ءِ نیمگ ءَ دلگوش دیگ لوٹ اِتگ۔
دو شمبے ءِ روچ ءَ تہی کارانی وزیر عبدالرضا رحمانی فضلی ءَ گشتگ کہ آئی ءَ اے کیس ءِ پٹ ءُ پول ءِ ھاتر ءَ پٹ ءُ پولکارانی نیمگ ءَ ”دو رند ءَ گیشیں کوشست“ ءِ پرمان داتگ۔
اے کیس سئے شمبے ءِ روچ ءَ ایران ءِ پارلیمنٹ ءَ چارگ بیت۔ اے درگت ءَ ایم پی طیبہ سیواشی ءَ کس ءِ نام ءِ گرگ ءَ ابید مجرم ءُ دمگی مزنیں وگ ءِ نیام ءَ یک سیادی یے ءِ سرا دلگوش داتگ۔
سیاواشی ءَ گْوشتگ “یکے چہ ملزماں یک زردار ءُ زوراکیں مردے”۔
دمگ ءِ یک دمگی گورنرے نبی بخشی ءَ گناہ گارانی بابت ءَ گیشتر ھاسیں گپ جتگ ءُ گْوشتگ کہ “گناہ گار چہ کئے ءِ چُک ءُ کجام راج ءِ مردم بوھگ ءَ چہ ھچ پرواہ نیست کہ آ دزگیر ءُ سزا دیگ بنت۔”
سیستان وا بلوچستان یک نا مھکمیں استانے پرچا کہ آئی ءِ نسلی میک اپ اِنت کہ آ سنی ءُ شیعہ ءِ آمیزش اِنت ءُ چہ جنوب مغربی ایشیا ءَ ایران ءِ راہ ءَ یورپ ءَ منشیات ءِ ٹرانزٹ ءِ راہ ءَ بوھگ ءِ سبب ءَ ءُ ھمے رنگ ءَ دمگی قبیلہانی گاہ ءُ گزار ءِ شورش ءِ سبب ءَ کہ برے برے تانکہ ایران ءِ امنیت ءِ مردم گروہ ءَ ھم زرتگ اَنت۔