بابک یکتاپاراست ءَ ملک ءِ ایمرجنسی آرگنائزیشن ءِ تعلقات عامہ ءِ حوالہ ءَ گشتگ کہ ایرانشهر ایمرجنسی آمبولانس ءِ سرا تیرگواری ءِ حوالہ ءَ دلگان شہر ءَ کلان ءِ جیڑہ ءِ سبب ءَ دو ایمرجنسی ٹیم جاہ ءَ روان دیگ بوتگ کہ ایشی ءِ آسر ءَ بازیں مردم ٹپی بوتگ انت۔ مردمانی سرا۔
آئی ءَ گیش کرتگ: ٹپیانی ایرانشھر ءِ شھر ءُ شمس آباد ءِ دمگ ءَ سر کنگ ءِ وھد ءَ یک گاڑی یے کہ پیسر ءَ آمبولانس ءِ پد ءَ اتکگ ات، آمبولانس ءِ کیبین ءَ تیر گواری کتگ۔
یکتاپاراست ءَ درائینتگ: اے دژمنیں کارروائی ءِ آسر ءَ ایمرجنسی ٹیکنیشن، دوئیں ٹپی ءُ نادراہ ءِ ھمراہ وتی جان ءِ قربان کتگ ءُ ایمبولینس ءِ ڈرائیور ھم سک ٹپی بوتگ۔
ایمرجنسی ڈیپارٹمنٹ ءِ جارکش ءَ گشتگ: ھما وھد ءَ کہ وائٹ ونڈ کمپین ءِ بندات کنگ بوتگ کہ ایمرجنسی ڈیپارٹمنٹ ءِ ھمکارانی سرا زوراکی ءِ ھلاپ ءَ نفرت ءِ درشان کنگ بوتگ، ما یک رندے پدا اے وڑیں غیر انسانی کارانی تکرار ءِ گواہ ایں کہ ایمنی ءَ را ھترہ ءِ آماچ کن انت ءِ طبی کارندہ ءُ چاگرد ءِ جان سلامتی ءِ ھاتر ءَ دیم ءَ اتکگ۔
آئی ءَ گوشت: اے جیڈھ ءِ قانونی پیگیری چہ اختیاریں واکدار آنی نیمگ ءَ اجندا ءِ تہ ءَ اِنت۔
tirgwári ámbóláns émrjansi shahrstán éránshahr .