وانگ ءُ زانگ ءَ بلوچ بے ھیال کنگ، بلوچستان ءِ وانگ ءُ زانگ ءِ گرھان

وانگ ءُ زانگ ءَ بلوچ بے ھیال کنگ، بلوچستان ءِ وانگ ءُ زانگ ءِ گرھان
گوستگیں روچاں بلوچستان اسمبلی ءِ پبلک اکاؤنٹس کمیٹی ءَ بلوچستان یونیورسٹی ءَ را وتی لپٹ ءَ زرتگیں مالیاتی بحران ءِ سر ءَ ھال ءُ اھوال کتگ۔ گوستگیں پنچ سالانی تہا یونیورسٹی ءِ اکاؤنٹس ءِ جائزہ ءَ یک گرانیں حقیقتے پدر کتگ- یکے کہ نودربر ءُُ اساتذہ ماہانی ماہ ءَ چہ رد کنگ ءَ انت۔ بلوچستان ءِ یک مزنیں یونیورسٹی یے ءِ کرپشن ءِ پیمانہ ھیران کنوک اِنت ءُُ ایشی ءِ تہا ہواریں اسکیمانی کسانیں تب ءُُ مئیل ءِ سبب ءَ اے ادارہ ءِ گمان بوتگیں وقار ءِ سبب ءَ ناامیتی گیش ءُُ گیوار بیت۔

چہ پیسریگیں انتظامیہ، نائب چانسلر ءُ مزنیں کارندہانی کارانی سرا ھیال بہ کن اِت کہ آہاں سداں کارمند -کہ آہانی تہا بازیں سیاد ءُ وارث اتنت- یونیورسٹی ءِ بجٹ ءِ سرا ہچ پرواہ نہ کتگ ات۔ اے نیپوٹیزم ءِ ہمراہی ءَ وسیلگ ءِ بے دروریں ناجائز کارمرز کنگ چوشکہ نودربراں چہ ارادہ کتگیں لیپ ٹاپ ءِ وتیگ کنگ ءِ سبب ءَ خام ءُ کسانیں کچ ءِ کرپشن ءِ مثال انت کہ آئی ءَ ادارہ ءَ را ناتوان کتگ۔ اے کاراں یونیورسٹی ءَ را انچیں ھرابیں جاور ءِ تہ ءَ سر کتگ کہ آ دگہ پگار ءُ پنشن ءِ زرّاں دات نہ کنت ءُ نودربر ءُ اساتذہانی نیمگ ءَ مزنیں کچے ءَ ہڑتال ءِ سبب جوڑ بوتگ۔

اے گپ کہ اے بحران ءِ دیم ءَ آرگ ءِ ھاترا صوبائی اسمبلی ءِ نیمگ ءَ چہ مداخلت کنگ بوتگ اے گپ پاکستان ءِ قانون نافذ کنوکیں ادارہ ءُُ ہائیر ایجوکیشن کمیشن ءِ سرا لعنتی فرد جرم ءِ پدر کنگ ءَ انت کہ آہانی نگرانی ءِ ناکامی ءَ اے ہار ءِ برجاہ دارگ ءِ اجازت داتگ۔

بلوچستان کہ پیسرا چہ انفراسٹرکچر ءُُ رابطہ ءِ لحاظ ءَ ایوکا انت، اے وڑیں بے پرواہی ءِ سبب ءَ انگت ءَ یک نیمگے ءَ انت۔ یونیورسٹی ءُُ اسکول ءِ وڑیں وانگ ءُُ زانگ ءِ ادارہ استان ءُُ پاکستان ءِ دگہ دمگ آنی نیام ءَ فرق ءِ پُر کنگ ءِ ھاترا المی انت۔ وھدے کہ اے ادارہانی سرا بدانتظامی ءُُ انچیں بے زاری ءِ آماچ کنگ بیت گڑا آ نودربراں ناامیتی ءُُ ناراضگی ءِ نسل ءَ پیداک کن انت کہ آ ہمے نظام ءِ وسیلہ ءَ یلہ داتگیں احساس کن انت کہ آہانی دیم ءَ برگ ءِ ہاترا جوڑ کنگ بوتگ انت۔

پاکستان اگاں وانگ ءُ زانگ ءِ وڑیں بنیاتی چیزے ءَ چہ نادلگوش بہ بیت گڑا قانون ءِ نفاذ یا درملکی کمک ءِ وسیلہ ءَ بلوچستان ءِ یکجا کنگ ءِ اُمیت ءَ نہ داریت۔ استان ءِ تعلیمی ریڑھ ءِ سرا بے ھیال کنگ ءَ چہ کٹ ءُُ کٹ ءَ گیش ءُُ گیوار بیت ءُُ آئی ءِ مردماں گیشتر پشت کپیت۔

اے اسکینڈل ءِ ذمہ واریں مردماں -چہ یونیورسٹی ءِ کارندہاں بگر داں نگرانی ءِ ادارہاں کہ وتی زمہ واری ءَ ناکام بوتگ انت -آہاں سختیں احتساب ءِ دیمپانی کنگی انت۔ پاکستان ایوک ءَ فیصلہ کنوکیں گامگیج ءِ وسیلگ ءَ وتی ادارگ آنی سر ءَ بھروسہ ءِ پدا زندگ کنگ ءِ اُمیت ءَ دار ایت ءُُ بلوچستان ءَ را راجی رھبند ءِ تہ ءَ دیمروئی کنگ ءِ یک راستیں موہ یے پیش کنت۔