بلوچستان ءَ کلات ءِ یادگار ناشناسیں مردماں آتش کتگ

بلوچستان ءَ کلات ءِ یادگار ناشناسیں مردماں آتش کتگ
بلوچستان ءِ کلات ءِ یادگار ءَ ناشناسیں ارش کنوکاں آتش زدگ کتگ ءُ اے دمگ ءِ راجدپتری جاہانی ایمنی ءِ جیڑہ پیداک کتگ۔

اے وئیل ءِ پسو ءَ پولیس ءَ ناشناسیں مردمانی ھلاپ ءَ کیس درج کتگ ءُ ارش ءِ ذمہ وارانی پجارینگ ءِ ھاترا پٹ ءُ پول بندات کتگ۔

پولیس ءِ وسیلگ ءِ رد ءَ اے یادگار لہتیں سال پیسر کمیونیکیشن اینڈ ورکس ءِ محکمہ ءِ نیمگ ءَ جوڑ کنگ بوتگ کہ اے یادگار تاریخی میری قلعہ ءِ نزیک ءَ اِنت۔

ھمے رنگ ءَ سندھ ءِ دود ءُ ربیدگ ءُ کھیبانی نگران وزیر ڈاکٹر جنید علی شاہ ءَ گوشت کہ سندھ ءِ دود ءُ ربیدگ ءُ سیل ءُ سواد ءِ محکمہ ءَ راجدپتری کوٹ دیجی قلعہ ءِ گاریں شش توپ آنی جاہ ءُ نشان ءِ پجار کتگ۔ اے 300 سالی توپ 30 سال پیسر سندھ ءِ ضلع خیر پور ءَ جاہ منندیں راجدپتری قلعہ ءَ چہ بیگواہ بوتگ انت۔

ھمے رنگ ءَ 2013 ءَ شمبے ءِ روچ ءَ بیگاہ ءِ وھد ءَ جنگولاں زیارت ءَ ایم علی جناح ءِ رہائش گاہ ءِ سر ءَ دستی بم ءِ اُرش کتگ ءُ راجدپتری جاہ ءَ مزنیں تاوانے داتگ کہ اودا پاکستان ءِ بانی محمد علی جناح ءَ وتی گڈی روچ گوازینتگ اَنت۔ اے کار ءِ تہ ءَ یک پولیس ءِ کارمندے گوں سرجمیں یادگاری کرسی ، بستراں کشگ بوتگ ءُ چہ ایشی ءَ دراتکگیں آتشزدگی ءَ بانی ءِ راجدپتری عکس زمین ءَ سُتکگ اَنت۔

Balóchestán á kalát ay yádgár náshnásén mardomán átsh ketag