شال : بلوچستان ءِ دمگ دشت گوران ءَ ریاستی کمک ءِ ڈیتھ اسکواڈ رنگ ءِ سروک قمبر خان مینگل ءِ کیمپ ءِ ھلاپ ءَ دہ کلاک ءِ کارروائی ءِ ذمہ واری بلوچ لبریشن آرمی ءَ وتیگ کتگ ءُ گْوشتگ کہ آئی ءِ گل ءِ ھشت مردم بیران ءُ سلاہ ءُ گاڑی دست کپتگ اَنت۔
آجوئی دوستیں مزاحمتی گل ءَ وتی جارکش آزات بلوچ ءِ وسیلگ ءَ شنگ کتگیں بیان ءِ تہ ءَ گْوشتگ کہ اے آپریشن 15 اکتوبر ءَ بوتگ ءُ چہ سھب ءِ شش ءَ بگر داں سہب ءِ چار ءَ بی ایل اے ءَ گْوشتگ کہ آئی ءِ سرمچاراں ڈیتھ اسکواڈ کیمپ ءِ سر ءَ اُرش کتگ کہ چہ قمبر پمبر خان ءُ آئی ءِ زھگ کھاند خان ءُ آئی ءِ لوگ ءَ نزیک ءَ دو کلومیٹر دور اِنت۔
بیان ءِ رد ءَ قمبر خان ءِ 8 ھمراھ بیران بوتگ اَنت کہ آھانی تہ ءَ احمد نواز ھم ھوار اِنت کہ کمندن ءِ نام ءَ ھم زانگ بیت ءُ اے گل ءِ دگہ مردم چہ دمگ ءَ درکپتگ اَنت۔ بی ایل اے ءَ اے ھم دعویٰ کتگ کہ جنگ ءِ وھد ءَ یلہ داتگیں دو موٹر سائیکل ءُ یک گاڑی یے ءِ ھمراھی ءَ مزنیں کساسے ءَ سلاہ ءُ فوجی سامان دست کپتگ۔
اے گل ءَ گیش گْوشتگ کہ آئی ءِ جنگولاں پاکستانی لشکری ڈرون ءِ سر ءَ تیرگواری کتگ کہ آپریشن ءِ وھد ءَ ڈیتھ اسکواڈ ءِ باسکاں انٹیلی جنس کمک کنگ ءَ بوتگ۔
بی ایل اے ءَ وتی بیان ءَ گْوشتگ کہ قمبر خان ءُ آئی ءِ ھمراھ گوں پاکستان ءِ ملٹری انٹیلی جنس ایم آئی ءُ انٹر سروسز انٹیلی جنس ءِ ھمراھی ءَ بلوچ آجوئی دوستیں جھدکاراں نشانگ جوڑ کنگ ءَ کار کنگ ءَ اَنت۔ بیان ءِ تہ ءَ ھواریں ارشانی تہ ءَ دمگی نندوکیں مردمانی آزار ءُ اذیت، زمین ءِ سر ءَ ناجائزیں قبضہ کنگ، تاوان ءِ ھاترا آوار جنگ، رازداری بندی جاہانی تہ ءَ ٹارچر ءُ کُشگ ءُ بلوچ جدائی لوٹوکیں جنگولانی ھلاپ ءَ فوجی کارروائیانی تہ ءَ بھر زوری کنگ ھوار اَنت۔
اے گل ءَ گشتگ کہ قمبر خان ءِ نیٹ ورک ءَ گوں ہمگرنچیں مردمانی پیسریگیں جست ءُ پرس ءِ وھد ءَ دست کپتگیں زانتکاری ءَ آئی ءِ انٹیلی جنس یونٹ ءَ آپریشن ءِ منصوبہ بندی ءَ کمک کتگ۔ بیان ءَ عبدالرسول، سعید احمد، جمیل احمد ءُ بارو ءِ نام ءَ زانگ بوتگیں چار مردمانی ھم ھال داتگ کہ بی ایل اے ءَ آھاں موت ءِ سزا داتگیں ھال رسانی کنوک لیک اِتگ اَنت۔ اے گل ءَ گْوشتگ کہ آیاں 12 اکتوبر ءَ وتی سرکاری چینل ءَ آھانی ویڈیو اعتراف شنگ کتگ اَنت۔
بی ایل اے ءَ گشتگ قمبر خان ءِ گل ءِ مردماں جنگ ءِ وہد ءَ پاکستانی فورسز ءَ چہ جنگی کُمک ءِ لوٹ کتگ ۔ بیان ءِ رد ءَ پاکستان ءَ ڈیتھ اسکواڈ ءِ نیٹ ورک ءِ کمک ءِ واستہ دمگ ءَ ھاسیں کمانڈو یونٹ، ہیلی کاپٹر، ڈرون، بکتاشیں گاڑی، مزنیں توپ ءُُ گیشیں زمینی اُرد دیم داتگ اَنت۔
اے گل ءَ گْوشتگ کہ آئی ءِ جنگولاں کمکی لشکر ءِ ایر کنگ ءَ ابید ھم وتی جاہ برجاہ داشتگ ءُ گُڈ سر ءَ وتی ھلاپیں مردماں پد کشّگ ءَ مجبور کتگ۔
بی ایل اے ءَ اے ھم الزام جتگ کہ قمبر خان ءِ گل ءَ پاکستانی سیکورٹی ادارگانی نیمگ ءَ چہ رکھینگ، کارندہ ءُ فوجی کمک رستگ۔ اے نبشتانک ءَ قمبر خان ءِ چُک پسند خان ءُ بالاچ خان ءُ غلام نبی شمبانی ءِ میان ءَ گند ءُ نند ءِ حوالہ داتگ کہ آ سرفراز ءِ کلیدی سنگت ءُ کٹھ پتلی سر وزیر ءُ ڈیرہ بگٹی ءَ یک ڈیتھ اسکواڈ ءِ بدنامیں سروک بوتگ۔
بیان ءَ ھما مردمانی سر ءَ ھم ایراد گرگ بوتگ کہ آیاں وت ءَ آجوئی ءِ منوگر پیش دارگ ءِ وھد ءَ ڈیتھ اسکواڈ ءُ ریاستی آپریٹو ءِ پناہ گاہ ءِ سر ءَ اُرش ءِ وھد ءَ قمبر خان ءِ گوں ھمدردی ءِ درشانی کتگ۔ ایشی ءَ اے وڑیں ہمدردی ءَ را بلوچ شہیدانی ہونانی سرا ناانصافی لیک اتگ ءُ موقف ءَ بے عقلیں فیصلہ ءِ گشتگ۔
بیان ءِ گڈسرا گشگ بوتگ: “مئے جہد پہ بلوچستان ءِ سرجمیں آجوئی ءَ ءُ قبضہ گیریں ریاستی فورسز ءِ آپریٹو ءُ آہانی استحصالی منصوبہانی ھلاپ ءَ گوں گیشتریں شدت ءَ برجاہ بیت۔”
