شال: بلوچستان ءِ لاٹ کوہ ءِ دمگ شور پاروڈ ءِ دمگ ءَ چہ 5000 ءِ نزیک ءَ 30 ہزار مردم بے لوگ بوتگ انت پد ءَ صوبائی حکومت ءَ 30 اکتوبر ءَ مہلوک ءِ رضاکارانہ طور ءَ نامینتگیں کیمپاں جاہ منند کنگ ءِ گڈی روچ ءِ رد ءَ ٹھینگ بوتگ ءُُ ہشدار داتگ کہ اگاں آہاں زوراکی ءَ ناکام کنگ بہ بیت۔
اے ھال وزارت داخلہ ءُ سلامتی ءِ بنجاہی سیکرٹری محمد حمزہ شفقت ءَ کوئٹہ ءَ پریس کانفرنس ءِ تہ ءَ جتگ کہ ایشی ءِ تہ ءَ صوبائی داخلہ ءِ وزیر ضیا اللہ لانگو ءُ میڈیا ءُ سیاسی کارانی معاون بنجاھی وزیر شاہد رند ءَ بھر زوری کتگ۔
شفقت ءَ گوشت کہ بلوچستان ءِ سر وزیر سرفراز بگٹی ءَ آماچیں آبادی ءِ جاہ بدل کنگ ءِ منصوبگ ءِ منظوری داتگ۔ آئی ءَ گیش کرتگ کہ ھاندان آناں ورگ، درمان، خیمہ ءُُ دگہ المی ئیں چیز آنی پھجارینگ ءِ بندوبست کنگ بوھگ ءَ اِنت۔ خضدار کمشنر ءَ را ریلیف آپریشن ءُ گامگیج آنی نگرانی ءِ ذمہ واری داتگ۔
اے جار ءَ چہ پیش کرتگیں جاہ بدل کنگ ءِ کساس ءُُ ایشی ءِ دمگی مردم، زندمان ءُُ کشت ءُُ کشاری کارانی سر ءَ بوت کنوکیں اثر ءِ بابت ءَ جیڑہ پیداک بوتگ۔ حکومت ءَ اے جاہ بدل کنگ ءَ را منصوبہ بندیں عمل لیک اتگ ءُُ آئی ءِ زوراکی ءَ چہ جاہ بدل کنگ ءِ ھال ءَ مہلوک ءَ را وتی لوگاں چہ درآھگ ءِ گڈی روچ داتگ۔
اے منصوبہ بندیں جاہ بدل کنگ ءِ وھد ءَ گیشیں جیڑہ ءِ تہ ءَ بوتگ کہ بلوچستان ءِ جنگ ءُُ جیڑھ ءِ آماچیں دمگ آنی تہ ءَ سول کمیونٹیز ءِ گوما چے پیمیں سلوک کنگ بوھگ ءَ اِنت۔ سر وزیر سرفراز بگٹی ءَ پیسر ءَ ھم دھمکی داتگ اَت کہ اگاں بلوچ جنگولاں اے کِشت ءُ کِشار ءِ پناہ گاہ ءِ رنگ ءَ کارمرز بہ کن اَنت ءُ پاکستانی سیکورٹی لشکر ءِ سر ءَ اُرش بہ کن اَنت گڑا آ دمگی کشت ءُ کشاری ءِ سیب ءِ باگاں کٹگ ءَ اَنت۔ چوشیں ھترہ ءِ سبب ءَ ھما دمگ ءِ کشت ءُ کشاری زند ءِ ھترہ ءِ دیم ءَ کیت کہ اودا نندوکیں مردم وتی آمدنی ءِ ھاترا کشت ءُ کشاری ءِ سر ءَ تکیہ کن اَنت۔
بلوچستان ءِ جتاجتائیں دمگاں بلوچ نندوکیں مردمانی بازیں لوگ پیسر ءَ چہ چیر دیگ بوتگ انت۔ اے ھرابکاری ءَ گوں نوکیں آوار جنگ ءِ جار ءَ ھما دمگ ءِ نندوکیں مردمانی ایمنی ءُ آیوکیں باندات ءِ بابت ءَ جیڑہ ودی کتگ کہ سرکار ءَ آوار جنگ ءِ جار جتگ۔
