بلوچستان: بی ایل اے ءَ گوادر ءَ 2 پاکستانی لشکر کشتگ ءُ 3 ٹپیگ کتگ۔

بلوچستان: بی ایل اے ءَ گوادر ءَ 2 پاکستانی لشکر کشتگ ءُ 3 ٹپیگ کتگ۔
Dec 12 (NVI) بلوچستان ءِ ضلع گوادر ءَ اُرش ءِ تہ ءَ پاکستان لشکر ءِ دو کارندہ ھلاس کنگ ءُ سئے ٹپیگ بیتگ اَنت۔

بی ایل اے ءِ جارکش جیاند بلوچ ءَ این وی آئی ءَ را داتگیں بیان ءَ گْوشتگ کہ بی ایل اے ءِ سرمچاراں گوستگیں روچ ءِ سھب ءَ گوادر ءَ پاکستانی لشکر ءِ پیادگیں یونٹ ءِ سر ءَ دارانب ءِ دمگ ءَ کمین کنان ءَ نشانگ جوڑ کتگ۔

آئی ءَ گوشت کہ اے کمین ھما وھد ءَ کنگ بوتگ کہ پیادگیں یونٹ قبضہ گیریں پاکستانی اُرد ءِ کاروان ءِ ایمنی ءِ واستہ دیم پہ دیم ءَ روگ ءَ بوتگ۔

ترجمان ءَ گشتگ کہ اے اُرش ءَ دو فوج ءِ کارندہ جاہ ءَ ھلاس کنگ بوتگ انت ءُ سئے ٹپیگ بوتگ انت۔

سرمچارانی دگہ ٹولی یے ءَ دژمن ءِ لشکر ءِ کارندہ نشانگ جوڑ کتگ اَنت کہ آ چہ ھبکہی ءَ شُتگ اَنت ءُ دژمن ءَ گیشتر تاوان داتگ۔

اے ارشانی ذمہ واری ءَ بلوچ لبریشن آرمی ءِ جار ءَ جنت ۔ (این وی آئی)