گوادر ءِ بالی پٹ ءَ را سرکاری رنگ ءَ میاں اوستمانی بالی پٹ نامینتگ ۔

گوادر ءِ بالی پٹ ءَ را سرکاری رنگ ءَ میاں اوستمانی بالی پٹ نامینتگ ۔
وفاقی حکومت ءَ گوادر ءِ بالی پٹ ءَ را میاں اوستمانی بالی پٹ ءِ رنگ ءَ نامینتگ، اے یک مزنیں دیمروئی یے کہ ایشی ءَ چہ اے آسراتی ءَ میاں اوستمانی بالی گراب آناں کار کنگ ءِ اہل جوڑ بیت۔

اے نامزدگی ءَ چہ کارگو ءِ ٹرانسپورٹ ءِ واستہ بالی پٹ ءِ کارمرز کنگ ءَ ھم آسراتی رسیت۔

اے جار ءِ درگت ءَ فیڈرل بورڈ آف ریونیو ءَ دو نوٹیفکیشن شنگ کتگ۔

اولی نوٹیفکیشن ءَ کہ سیکشن (9) ءِ چیر دستی ءَ شنگ بوتگ ات، گوادر ءِ بالی پٹ ءَ را سرکاری رنگ ءَ میاں اوستمانی بالی پٹ ءِ رنگ ءَ منگ بوتگ ات۔ دومی نوٹیفکیشن ءِ تہ ءَ گوادر ءِ میاں اوستمانی بالی پٹ ءَ میاں اوستمانی بالی گراب آنی تہ ءَ سوار ءُُ ایر کپگ ءِ مسافر آناں قانونی اجازت دیگ بوتگ۔

اے سال ءِ اکتوبر ءَ مزن وزیر شہباز شریف ءُ آئی ءِ چینی ہم منصب لی کیانگ ءَ اسلام آباد ءَ یک مراگشے ءِ تہا بیجنگ ءِ کمک ءَ گوادر ءِ میاں اوستمانی بالی پٹ ءِ عملی رنگ ءَ بنگیج کتگ۔

آئی ءَ وتی پاکستانی ہم منصب ءِ گوما بالی پٹ ءِ تختی ءِ پچ کنگ ءَ پد گوشت کہ اے دمگی رابطہ ءِ وژن ءِ سرجمی ءِ واستہ یک المی ئیں گامگیج اِنت ءُُ گوستگیں بازیں سال آنی تہ ءَ ما ھرچی کہ رس اِتگ، آئی ءَ پاکستان ءُُ چین دوستی ءِ مھکم ءِ درشان کتگ۔

اے مراگش ءَ دوئیں ڈل آنی باسک، وزیر، فوجی سروکی ءُُ مزنیں اگدہ دار آنی نیمگ ءَ بھر زوری کنگ بوتگ۔

اے بالی پٹ ءِ جوڑ کنگ ءِ ھرچ ءُ درچ 54.98ارب کلدار (تقریباً 240ملین ڈالر) اِنت۔ اے رن وے ءِ سرا انت کہ آ میان استمانی معیار ءِ رد ءَ جوڑ کنگ بوتگ انت۔

نوکیں بالی پٹ چہ استیں گوادر ءِ بالی پٹ ءَ 26 کلومیٹر شمال مشرق ءَ اِنت، ءُ پاکستان ءِ سرکار ءِ نیمگ ءَ داتگیں 3000 ایکڑ زمین ءِ سر ءَ ھوار اِنت۔ اے نوکیں اسلام آباد بالی پٹ ءَ پد ملک ءِ دومی گرین فیلڈ بالی پٹ اِنت۔

اے بالی پٹ ءَ چہ اے ٹی آر 72، ایربس اے 300، بوئنگ 737، ءُ بوئنگ 747 ءَ ھوار بازیں بالی گراب ءِ دیم ءَ آرگ ءِ وس ءُ واک بیت کہ آ ملکی ءُ میاں اوستمانی بالی گراب آنی واستہ کارمرز کنگ بنت۔