پاکستانی لشکر ءِ دزگیر کنگ ءَ پد دو بیگواھیں مردمانی تہ ءَ 13 سالی زھگ ھوار اِنت

پاکستانی لشکر ءِ دزگیر کنگ ءَ پد دو بیگواھیں مردمانی تہ ءَ 13 سالی زھگ ھوار اِنت
بلوچستان ءَ پاکستان ءِ سلاہ بندیں اُرد ءِ نیمگ ءَ چہ مبینہ دزگیر کنگ ءَ پد دو مردم بیگواہ بوتگ اَنت کہ یک کیسے ءَ 13 سالی زھگ ھوار اِنت۔ اے بچک ءِ پجار صبر اللہ ءِ چُک بالاچ اِنت ءُ پنجگور ءِ دمگ اِنت ءُ آئی ءِ لوگ ءِ مردماں دعویٰ کتگ کہ دہ روچ پیسر پاکستانی لشکر ءِ ارش ءِ وھد ءَ آئی ءَ را زوراکی ءَ چہ آئی ءِ لوگ ءَ برگ بوتگ۔
دی بلوچستان پوسٹ ءِ رد ءَ بالاچ انگت ٹپیگ بوھگ ءِ وھد ءَ برگ ءَ پیسر آئی ءِ سر ءَ بدکاری کنگ بیتگ۔ انگت ءَ واکداراں اے وئیل ءِ سر ءَ ھچ گپ نہ جتگ کہ اے وئیل ءَ چہ دمگی ءُ میان استمانی انسانی ھکانی گلانی تہ ءَ جیڑہ ودی بوتگ اَنت۔

پاکستانی لشکر ءِ نیمگ ءَ چہ اے ھاندان ءِ سر ءَ بازیں نشانگ جوڑ کنگ ءِ ھال نبشتہ کنگ بوتگ ءُ پیسریگیں وئیلانی تہ ءَ آھانی لوگ ءِ سر ءَ اُرش ھم ھوار اِنت کہ اودا مال ءُ مڈی ءَ را تاوان رستگ ءُ دو دستی بم در ءَ شنگ کنگ بوتگ اَنت اگاں چہ ھچ وڑیں ٹپیگ ءِ ھال رسگ ءَ نہ اِنت۔ رپورٹ ءِ رد ءَ دمگی وسیلگ ءِ رد ءَ فورسز ءَ اے لوگ ءِ سر ءَ باقاعدہ ارش کتگ ءُُ اے ھاندان ءَ را مدام ترس ءُُ بیم ءِ آماچ کتگ۔

یک دگہ وئیلے ءَ پاکستانی لشکر ءَ گوادر ءِ کوہ ءِ کش ءُ گور ءِ شھر ءَ فضل بشیر نامیں مردمے دزگیر کتگ۔ دی بلوچستان پوسٹ ءِ رد ءَ ضلع کیچ ءِ دمگ ھیرا آباد ءِ نندوکیں فضل 23 دسمبر ءَ دزگیر کنگ بوتگ ءُ آئی ءِ جاہ ءُ نشان انگت ءَ زانگ نہ بیت۔
آئی ءِ لوگ بانک ءَ آئی ءِ جان سلامتی ءِ جیڑہ ءَ چہ آئی ءِ جاہ ءُ نشان ءِ زانگ ءِ ھاترا انسانی ھکانی گلاں کمک لوٹ اِتگ۔ بلوچستان ءَ زوراکی ءَ بیگواہ کنگ ءِ برجاھیں جیڑھ انگت ءَ دلگوش گور کنگ ءَ اِنت ءُ دمگی جھدکار ءُ انسانی ھکانی گل احتساب ءُ بیگواھیں مردمانی یلہ کنگ ءِ لوٹ ءَ کنگ ءَ اَنت۔

اے واقعہ چہ عدالت ءِ مدام لوٹ کنگ ءَ ابید دمگ ءَ پاکستانی سیکورٹی فورسز ءِ سر ءَ برجاھیں الزاماں پدر کن اَنت۔

بالاچ ءُ فضل ءِ کھول ءَ چہ واکداراں لوٹ کتگ کہ آ وتی کیسانی پٹ ءُ پول ءَ بہ کن اَنت ءُ آھانی بیگواھیں سیاد ءُ وارسانی بابت ءَ سرپدی بہ دنت۔بلوچستان ءَ منظمیں آوار جنگ ءُ کُشگ ءِ گواہ برجاہ اَنت کہ ایشی ءَ چہ چاگرد ءِ جتا جتائیں تک ءُ پھناتاں ھوار جھدکار، سیاست دان، اھوالکار ءُ لس مردم ھوار اَنت، کہ رپورٹ ءِ رد ءَ آوار جنگ ءُ کُشگ ءِ آماچ اَنت۔ فورسز ءِ رد ءَ ، ھال رسانکی ادارہ ANI ءِ رد ءَ ۔۔۔

پاکستانی لشکر ءِ سر ءَ باز براں الزام جنگ بیت کہ آ زوراکی ءَ بیگواہ کنگ ءَ ناشرکار ءُ جدائی طلبیں گلانی ھلاپ ءَ پندل ءِ رنگ ءَ کارمرد کنت۔ انسانی حقانی گل ءُ بلوچ راجدوستیں گلانی گشگ انت کہ اے آوار جنگانی مول ءُ مراد مخالفت ءِ سرکوب کنگ انت۔

گزارش ءَ گیش کرتگ کہ اے بیگواہی باز براں شکنجہ ءُ غیر عدالت کشتار ءِ سوب بنت ءُ اے دمگ ءَ انسانی حقانی جاور ھال گیش بنت۔