انسانی حقانی روچ 2024 ءِ سرا کوئٹہ ءَ انسانی حقانی پینل ءِ گپ ءُ تران

انسانی حقانی روچ 2024 ءِ سرا کوئٹہ ءَ انسانی حقانی پینل ءِ گپ ءُ تران
دسمبر 2024 ءَ انسانی حقانی روچ ءَ کوئٹہ پریس کلب ءَ برجم داشتگیں ”بلوچستان: انسانی حقانی آزاتیں دمگ“ ءِ سرھال ءَ پینل ءِ گپ ءُ تران ءِ مختصریں خلاصہ پینل ءِ بہر زوروک:

۱۔کسیف کاکر (ایچ آر سی پی بلوچستان باب)

2. ماما قدیر بلوچ (تواز پہ بلوچ بیگواھیں مردماں – VBMP)

3. بیبرگ بلوچ (مرکزی باسک، کورانا بلوچ – بی وائی سی)

پینلسٹاں بلوچستان ءِ تہ ءَ انسانی ھکانی لگتمالی ءِ جتا جتائیں تک ءُ پھنات آنی سر ءَ گپ ءُ تران کت ءُ انسانی ھک آنی جھان ءِ جار ءِ سر ءَ عمل نہ کنگ ءِ سر ءَ دلگوشی دات ءُ ھمے رنگ ءَ پاکستان ءِ آئین (1973) ءِ سر ءَ ھم دلگوشی دات کہ آئی ءَ انسانی ھک آنی بنیاتی رھبند زرتگ اَنت۔

کلیدی جیڑہانی سرا تران کنگ بوت:

۱۔آزادی ءِ گپ

۲۔آزادی ءِ نقل و حرکت .

۳۔دزگیرانی منصفانہ دادگاہ ءِ حق

4. غلامی ءِ ھلاس کنگ

۵۔زبردستی بیگواہ کنگ

6. پاکستان چہ میان اُستمانی انسانی ھکانی جار ءِ سر ءَ دستخط کنوک بوھگ ءَ ابید ھم اے ھکانی سر ءَ عمل کنگ ءَ ناکام بوتگ ، ھاسیں رنگ ءَ بلوچستان ءَ ۔

خاصیں نکات چست کنگ بوتگ انت:

۱۔زبردستی بیگواہ کنگ:

• زوراکی ءَ بیگواہ کنگ ءِ سرکاری رنگ ءَ 2005 ءَ بندات بوتگ ات۔اے وھد ءَ نامداریں انسانی ھکانی جھدکار اسماء جہانگیر ءَ پاکستان ءِ سپریم کورٹ ءَ درخواست داتگ ات۔

• زوراکیں بیگواھیانی پٹ ءُ پولی کمیشن ءَ را تعصبی ءُ بے اثر لیکگ بیت ءُ ھچ وڑیں مزنیں ریلیفے نہ دنت۔ زبردستی بیگواہ کنگ ءِ کیس وھد ءِ گوزگ ءَ گوں ایوک ءَ گیش بوتگ اَنت۔

• پینلسٹاں انسانی ھکانی لگتمالی ءِ تہ ءَ ریاست ءِ ھمدستی ءِ سر ءَ ایراد گپتگ وھدے کہ آ میان اُستمانی جار ءِ سر ءَ دستخط کنوک اِنت۔

2. بیبرگ بلوچ ءِ گشتن :

• آئی ءَ اے گپ ءِ سر ءَ زور دات کہ وھدے کہ انسانی ھکانی روچ پہ انسانی ھکانی رکھینگ ءَ جھان ءِ تک ءَ برجم دارگ بیت بلے بلوچستان ءِ سرکاری واکدار زانت ءُ زانگ ءَ اے ھکاں ھراب کن اَنت۔

• آئی ءَ مراگش ءِ روچ ءَ کوئٹہ پریس کلب ءِ دپ ءَ پولیس ، فرنٹیئر کور ، ءُ انٹیلی جنس ایجنسیانی مزنیں کساسے ءَ دیم ءَ آرگ ءِ نیمگ ءَ دلگوش گور کت ۔

• بیبرگ ءَ سرجمیں بلوچستان ءِ یونیورسٹی ءُ کالجانی لشکری ​​کنگ ءِ ھم مذمت کتگ کہ اودا نودربراں چہ گیش پروفائلنگ، جست ءُ پرس ءُ کارڈ چیک ءِ دیمپانی کنگی اِنت ءُ نفسیاتی پریشانی پیداک کنت۔

آئی ءَ اے گپ ءِ سرا چمشانک دات کہ نودربر وتی ادارہانی تہا داخل بوھگ ءِ وھد ءَ انچوش سما کن انت کہ آ “سرحداں چہ گوزگ ءَ انت”۔

3. ماما قدیر بلوچ ءِ گشتانک :

• ماما قدیر ءَ وتی 15 سال ءِ انسانی ھکانی جھد ءِ سر ءَ ھیال ءُ لیکہ کت ، چہ ریاستی واکدارانی نیمگ ءَ روچ پہ روچ ھترہ ءُ ھترہ ءِ باوجود ۔

• آئی ءَ اے گپ پدر کت کہ سرکاری ادارہاں آئی ءَ را باز رند ءَ آئی ءِ دھرنا کیمپ ءِ ھلاس کنگ ءِ پرمان داتگ ءُ آئی ءِ جان ءَ را ھترہ داتگ ءُ باز رند ءَ کیمپ ءِ سرا زھر شانی کتگ ءُ آئی ءِ نام ءِ سرا ایگزٹ کنٹرول لسٹ (ای سی ایل) ءَ ھوار کتگ۔

• آئی ءَ گْوشتگ کہ تاں انوگ ءَ 8000 ءَ چہ گیش بلوچ مردم بیگواہ اَنت ءُ 20000 ٹپ ءُ ٹوریں لاش برآمد کنگ بوتگ اَنت۔

آئی ءَ ریاستی واکداراں چیلنج کتگ ءُ اے گپ ءِ سر ءَ زور داتگ کہ آ گاریں مردمانی سرجمیں لسٹ ءَ ھرکس ءَ را دات کنت کہ آ ایشی ءِ چار ءُ تپاسی ءَ بہ کنت۔

نتیجہ: پینلسٹاں اے گپ ءِ سرا زور دات کہ ریاست ءِ کارروائی آئی ءِ انسانی حقانی سرا وتی زمہ واریانی ھلاپ انت، چہ راجی ءُ میان استمانی تک ءَ۔ اے گپ ءُ تران ءَ بلوچستان ءَ شفافیت، عدالت ءُ بنیاتی انسانی حقانی نفاذ ءِ زوتیں ضلورت ءِ سر ءَ زور پر دات۔